ଓଡ଼ିଶାରେ ବିପର୍ଯ୍ୟସ୍ତ ସ୍ଥିତି ରହିଛି ; କଂଗ୍ରେସ ବିଧାୟକ ନରସିଂହ ମିଶ୍ର

ଭୁବନେଶ୍ୱର(ବଡ଼ ଖବର ବ୍ୟୁରୋ):ସୌମ୍ୟ ପଟ୍ଟନାୟକଙ୍କ ଉପରେ କାର୍ଯ୍ୟାନୁଷ୍ଠାନ ନେଇ ମୁହଁ ଖୋଲିଲେ କଂଗ୍ରେସ ବିଧାୟକ ନରସିଂହ ମିଶ୍ର । ଓଡ଼ିଶାରେ ବିପର୍ଯ୍ୟସ୍ତ ସ୍ଥିତି ରହିଛି ବୋଲି କହି ପ୍ରତିକ୍ରିୟା ଦେଇଛନ୍ତି । ଓଡ଼ିଶାରେ ଗୁମାସ୍ତା ଶାସନ ଚାଲିଛି, ଗଣତନ୍ତ୍ର ଶାସନ ଲୋପ ପାଇଛି। ଏକଛତ୍ର ବାଦ ଶାସନ ପାଇଁ ଭୋଟ ଦେଇନଥିଲେ। ଏକଛତ୍ରବାଦ ଶାସନକୁ ନେଇ ପ୍ରତିକ୍ରିୟା ପ୍ରକାଶ ପାଇଛି। ତଥ୍ୟ ଭିତ୍ତିକ ସମାଲୋଚନା କରିବାର ସମସ୍ତଙ୍କ ଅଧିକାର ଅଛି। ଦଳୀୟ ଓ ଅନ୍ୟ ପ୍ରସଂଗରେ ତଥ୍ୟ ଭିତ୍ତିକ ସମାଲୋଚନା କରିବାର ଅଧିକାର ରହିଛି । ବ୍ଲାକମେଲ ଶବ୍ଦ ଯେଉଁମାନେ ବ୍ୟବହାର କରୁଛନ୍ତି ଏହାର ଅର୍ଥ କଣ ଡିକ୍ସନାରୀ ଦେଖନ୍ତୁ। ଦଳରେ କାହାକୁ ରଖିବେ କାହାକୁ ବାହାର କରିବେ ତାଙ୍କ ଦଳ ଉପରେ ନିର୍ଭର କରୁଛି। ଧମକ ଦେବା ପରିବର୍ତେ ବାହାର କରି ଦିଅନ୍ତୁ ବୋଲି କହିଛନ୍ତି ନରସିଂହ ମିଶ୍ର।