କାବୁଲରେ ପୁଣି ଆତଙ୍କୀ ହମଲା ହେବା ଆଶଙ୍କା
କାବୁଲ(ବଡ଼ ଖବର ବ୍ୟୁରୋ): ପୁଣିଥରେ ଆଫଗାନିସ୍ତାନ କାବୁଲରେ ଆତଙ୍କୀ ହମଲା ହେବାର ଆଶଙ୍କା ପ୍ରକାଶ ପାଇଛି । ଏ ନେଇ ସୂଚନା ମିଳିବା ପରେ ଆମେରିକା ଓ ବ୍ରିଟେନ ପକ୍ଷରୁ ନିଜ ଦେଶର ନାଗରିକଙ୍କୁ ସତର୍କ କରି ଦିଆଯାଇଛି । ଆଖପାଖରେ ଥିବା ଅଞ୍ଚଳର ଲୋକମାନଙ୍କ ସୁରକ୍ଷାକୁ ଦୃଷ୍ଟିରେ ରଖି ସତର୍କ କରେଇ ଦିଆଯାଇଛି । ବିଶେଷ କରି କାବୁଲର ପ୍ରସିଦ୍ଧ ସେରେନା ହୋଟେଲର ଆଖାପାଖ ଅଞ୍ଚଳର ଲୋକମାନଙ୍କ ପ୍ରତି ବିପଦ ରହିଥିବା ଏହି ଦୁଇଦେଶ ପକ୍ଷରୁ କୁହାଯାଇଛି ।
ଆଫଗାନିସ୍ତାନ ଗସ୍ତ ନ କରିବାକୁ ପରାମର୍ଶ ଦେଇ ବ୍ରିଟେନ ଜାରି କରିଥିବା ନିର୍ଦ୍ଦେନାମାରେ କହିଛି ଯେ ବିପଦ ବଢୁଥିବାରୁ ଆପଣମାନଙ୍କୁ ହୋଟଲରେ ନ ରହିବାକୁ ପରାମର୍ଶ ଦେଇଛି । ବିଶେଷ କରି କାବୁଲରେ ଥିବା ସେରେନା ହୋଟେଲ ଭଳି ବଡ଼ ସ୍ଥାନକୁ ତୁରନ୍ତ ଖାଲି କରି ଦିଅନ୍ତୁ । ଏଠାରେ ସୁରକ୍ଷା ପ୍ରତି ବିପଦ ରହିଥିବା ବ୍ରିଟେନ ପକ୍ଷରୁ କୁହାଯାଇଛି ।ସେପଟେ ଆମେରିକା ମଧ୍ୟ ନିଜ ଦେଶର ନାଗରିକଙ୍କୁ ସେରେନା ହୋଟେଲ ଖାଲି କରିବାକୁ ସତର୍କ କରେଇ ଦେଇଛି ।
ତେବେ ସେରେନା ହେଉଛି କାବୁଲର ସବୁଠାରୁ ଆଭିଜାତ୍ୟ ସମ୍ପନ୍ନ ହୋଟେଲ । ଏଠାକୁ ଅଧିକାଂଶ ବିଦେଶୀ ନାଗରିକ ହିଁ ଆସିଥାନ୍ତି । ଏବେ ତାଲିବାନ ଆଫଗାନକୁ ଜବରଦଖଲ କରିବା ପରେ ବିଦେଶୀଙ୍କ ଆସିବା ହ୍ରାସ ପାଇଛି । ସୂଚନା ଅନୁଯାୟୀ ପୂର୍ବରୁ ଏହି ହୋଟେଲ ଉପରେ ଆତଙ୍କୀବାଦୀମାନେ ଟାର୍ଗେଟ କରିସାରିଛନ୍ତି । ଏବେ ପୁଣି ହାମଲା କରିବା ପାଇଁ ଯୋଜନା କରୁଥିବା ସୂତ୍ରରୁ ଜଣାପଡିଛି ।