ବର୍ଷା ନାହିଁ, ମାଟି ଫାଟି ଆଁ କଲାଣି

ନୂଆପଡା (ବଡ଼ ଖବର ବ୍ୟୁରୋ): ରାଜ୍ୟ ସରକାରଙ୍କ ଚାଷୀ ମାରଣ ନୀତିକୁ ବିରୋଧ କରି ଆନ୍ଦୋଳନକୁ ଓହ୍ଲାଇଲା ଜୟ କିଷାନ ସଂଗ୍ରାମ ପରିଷଦ। କୁରୁମପୁରୀ ଠାରୁ ନୂଆପଡ଼ାକୁ ପଦଯାତ୍ରା କଲେ ହଜାର ହଜାର ଚାଷୀ। ନୂଆପଡ଼ାରେ ବର୍ଷା ନାହିଁ, ମାଟି ଫାଟି ଆଁ କଲାଣି । ଚାଷୀଙ୍କ ଆର୍ଥିକ ମେରୁଦଣ୍ଡ ଦୋହଲି ଗଲାଣି। ଆଗକୁ ପଶ୍ଚିମ ଓଡିଶାର ବଡ଼ ପର୍ବ ନୂଆଖାଇ।

ହେଲେ ଚାଷୀ ହତାଶ। ସମ୍ପୂର୍ଣ୍ଣ ମରୁଡି ଘୋଷଣା ଓ ଋଣ ଛାଡ, ସାରର କଳାବଜାରୀକୁ ନେଇ ଜୟ କିଷାନ ସଂଗ୍ରାମ ପରିଷଦର ଆନ୍ଦୋଳନକୁ ଓହ୍ଲାଇଛି । ସରକାର ନ ଶୁଣିଲେ ଆନ୍ଦୋଳନ ନବୀନ ନିବାସ ପର୍ୟ୍ୟନ୍ତ ଯିବ ବୋଲି ଚେତାବନୀ ଦେଇଛନ୍ତି ଆନ୍ଦୋଳନର ଆବାହକ ଯଦୁମଣି ପାଣିଗ୍ରାହୀ।