୬ରେ ପୁଣି ଗର୍ଜିବେ ଚାଷୀ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆସନ୍ତାକାଲିଠାରୁ ଦିଲ୍ଲୀକୁ ଆସିବେ ଶହ ଶହ ଚାଷୀ । ପଞ୍ଜାବ-ହରିୟାଣା ସୀମାରେ ଧାରଣା ଦେଇଥିବା ଚାଷୀ ପୁଣିଥରେ କେନ୍ଦ୍ର ବିରୋଧରେ ରଣହୁଙ୍କାର ଦେଇଛନ୍ତି। ବର୍ତ୍ତମାନ ସୁଦ୍ଧା ସେମାନଙ୍କ ଦାବି ପୂରଣ ହୋଇ ନାହିଁ । ସେଥିପାଇଁ କିଛି ଦିନର ବିରତି ପରେ ୬ ତାରିଖଠୁ ପୁଣି ଗର୍ଜିବେ ଚାଷୀ । ଦିଲ୍ଲୀ ଅଭିମୁଖେ ଯାତ୍ରା କରିବା ସହ ଦିଲ୍ଲୀ ଚଲୋ ଆନ୍ଦୋଳନକୁ ଜୋରଦାର କରିବେ । ଏନେଇ ଚାଷୀ ନେତା ସରୱନ ସିଂ ପଣ୍ଢେର ସୂଚନା ଦେଇଛନ୍ତି । ସେହିପରି ମାର୍ଚ୍ଚ ୧୦ ତାରିଖରେ ସାରା ଦେଶରେ ଚାଷୀମାନେ ରେଳରୋକ କରିବେ । ୧୨ଟାରୁ ୪ଟା ପର୍ୟ୍ୟନ୍ତ ଦେଶବ୍ୟାପି ରେଳରୋକ କରିବେ ଚାଷୀ ସଂଗଠନ । ଆନ୍ଦୋଳନ ସମୟରେ ପୁଲିସର କାର୍ୟ୍ୟାନୁଷ୍ଠାନରେ ଯେଉଁ ଚାଷୀ ଆହତ ଓ ମୃତ୍ୟୁ ବରଣ କରିଛନ୍ତି ସେମାନଙ୍କ ନ୍ୟାୟ ଦାବିରେ ଚାଷୀ କରିବେ ରେଳରୋକ ।