ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ପୁଣି ହେବ ସର୍ଜିକାଲ ଷ୍ଟ୍ରାଇକ । ଏକଥା ଆମେ କହୁନୁ । ଏହାକୁ କହିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ଯଦି ପାକିସ୍ତାନ ନିଜ କାର୍ଯ୍ୟକଳାପରୁ ନ ଓହରେ ତାହାଲେ ଏହା ପୁଣିଥରେ ସମ୍ଭବ । ଲୋକଙ୍କ ହତ୍ୟା କରିବା ପାଇଁ ପ୍ରୋତ୍ସହନ ଯୋଗାଇବା ଏବଂ ଅପରାଧ ଘଟାଇବା ଭଳି କାର୍ଯ୍ୟକଳାପକୁ ବନ୍ଦ ନକରେ ତାହାଲେ ଭାରତ ତାର ଶକ୍ତି ପ୍ରଦର୍ଶନ କରିବ । ଏପରିକି ପୁଣି ଆଉ ଗୋଟିଏ ସର୍ଜିକାଲ ଷ୍ଟ୍ରାଇକ କରିବା ପାଇଁ ମଧ୍ୟ ପଛାଇବନି ଭାରତ । ଭାରତ ଅତଙ୍କବାଦକୁ ନିରବରେ ସହିପାରିବ ନାହିଁ ।
https://twitter.com/ANI/status/1448571885768245250?s=20
ଅନ୍ୟପଟେ ଗୋଆର ଧରବନ୍ଦୋରାସ୍ଥିତ ନ୍ୟାସନାଲ ଫରେନସିକ୍ ସାଇନ୍ସ ୟୁନିଭରସିଟିର ଭିତ୍ତିପ୍ରସ୍ତର ସ୍ଥାପନ ଉତ୍ସବରେ ଅମିତ୍ ଶାହ ଯୋଗ ଦେଇ ଏହା କହିଛନ୍ତି। ପ୍ରଧାନମନ୍ତ୍ରୀ ଏବଂ ପୂର୍ବ ପ୍ରତିରକ୍ଷା ମନ୍ତ୍ରୀ ମନୋହର ପାରିକରଙ୍କ ସମୟରେ ହୋଇଥିବା ସର୍ଜିକାଲ୍ ଷ୍ଟ୍ରାଇକ୍ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଥିଲା । ଆମେ ଆମର ସୀମାରେ ଶାନ୍ତି ବଜାୟ ରଖିବା ପାଇଁ ପ୍ରୟାସ କରୁଛୁ । ହେଲେ ସେତେବେଳେ କଥାବର୍ତ୍ତା ହେବାର ସମୟ ଥିଲା । କିନ୍ତୁ ବର୍ତ୍ତମାନ ହେଉଛି ମୁହଁତୋଡ଼ ଜବାବ ଦେବାର ସମୟ ବୋଲି ଅମିତ ଶାହ କହିଛନ୍ତି ।
