ଇବ୍ ନବୀରେ ବୁଡ଼ି ନିଖୋଜ ଘଟଣା, ମିଳିଲା ୩ ଜଣଙ୍କ ମୃତଦେହ

ସୁନ୍ଦରଗଡ଼(ବଡ଼ ଖବର ବ୍ୟୁରୋ): ସୁନ୍ଦରଗଡ଼ ଇବ୍ ନଦୀରେ ବୁଡି ନିଖୋଜ ଥିବା ଗୋଟିଏ ପରିବାରର ୩ ଜଣଙ୍କ ମୃତଦେହ ଉଦ୍ଧାର କରାଯାଇଛି । ମୃତକ ମାନେ ହେଲେ ଦୁଇ ନାବାଳକ ପୁତୁରା ମହମ୍ମଦ ରିଜୱାନ, ମହମ୍ମଦ ଫରହାନ ଓ କାକା ମହମ୍ମଦ ସାଜିଦ । ଗତକାଲି ସୁନ୍ଦରଗଡ ଟାଉନ ଥାନା ରିଜେଣ୍ଟ ମାର୍କେଟ ଓ ମେନ ରୋଡ ଅଂଚଳର ଗୋଟିଏ ପରିବାରର ୩ ସଦସ୍ୟ ଜନ୍ମଦିନରେ ଭୋଜି କରିବା ପାଇଁ ଇବ ନଦୀ କୂଳକୁ ଯାଇଥିଲେ । ଖାଇ ସାରି ଦୁଇଭାଇ ମହମ୍ମଦ ରିଜୱାନ ଓ ମହମ୍ମଦ ଫାରହାନ ନଦୀକୁ ଗାଧୋଇବାକୁ ଯାଇଥିଲେ ।

ଗାଧେଳଇବା ବେଳେ ଇବ ନଦୀରେ ବୁଡି ଯାଇଥିଲେ ୩ ଜଣ ସଦସ୍ୟ । ତେବେ ଚୋରା ବାଲିରେ ତାଙ୍କ ଗୋଡ ଫସିଯାଇଥିଲା । ଦୁଇଜଣ ବୁଡିବାକୁ ଯାଉଥିବାେଳେ ପାଟିଶୁଣି କାକା ମହମ୍ମଦ ସାହିଦ ବଂଚାଇବାକୁ ପାଣି ଭିତରକୁ ଯାଇଥିଲେ । କିନ୍ତୁ ସେ ମଧ୍ୟ ଚୋରାବାଲିରେ ଫସି ଯାଇ ବୁଡି ଯାଇଥିଲେ । ଖବର ପାଇଁ ଅଗ୍ନିଶମ ବାହିନୀ ଓ ପୁଲିସ ଖୋଜାଖୋଜି କରୁଥିଲେ ଅନ୍ଧାର ଯୋଗୁଁ ଏହା ସ୍ଥଗିତ ରହିଥିଲା । ଆଜି ସକାଳୁ ସେମାନଙ୍କ ମୃତଦେହ ଉଦ୍ଧାର କରାଯାଇଛି ।