https://youtu.be/M4t5e-zv420
ମାଥିଲି(ବଡ଼ ଖବର ବ୍ୟୁରୋ): ବିକ୍ରି ବେଳେ ଧରାପଡିଲା ବାଘ ନଖ ଓ ଦାନ୍ତ। ଗୋଟିଏ କି ଦୁଇଟି ନୁହେଁ, ୧୮ଟି ବାଘ ନାଖ ଓ ୬ଟି ବାଘ ଦାନ୍ତ ଜବତ ହୋଇଛି। ମାଲକାନଗିରି ମାଥିଲି ରେଂଜ୍ ରେ ଚୋରା ବିକ୍ରି ବେଳେ ବ୍ୟବସାୟୀକୁ ଧରିଛି ବନ ବିଭାଗ । ନଖ ଓ ଦାନ୍ତ ବିକ୍ରି ହେଉଥିବା ନେଇ ବିଶେଷ ସୂତ୍ରରୁ ଖବର ପାଇ ମାଥିଲି ରେଞ୍ଜର ବାସୁଦେବ ନାୟକଙ୍କ ନେତୃତ୍ବରେ ଏକ ଦଳ ବ୍ଳକର ସାଲିମି ଅଂଚଳରେ ଚଢାଉ କରିଥିଲେ ।
ଚଢାଉ ସମୟରେ ରବି ଶବର ନାମକ ବ୍ୟକ୍ତିଙ୍କ ଠାରୁ ୧୮ ଟି ବାଘ ନଖ , ୬ ଟି ବାଘ ଦାନ୍ତ ଓ ଅଧା ଲିଟର ବାଘ ତେଲ ଜବତ କରିଥିଲେ । ତେବେ ସଂପୃକ୍ତ ବ୍ୟକ୍ତି ଜଣକ ଏସବୁ ବିକ୍ରି କରୁଥିବା ଜଣାପଡିଛି । ଜବତ ସାମଗ୍ରୀ ସବୁ ବାଘ ଶରୀରର ଅଂଶବିଶେଷ ନା ଅନ୍ୟ କିଛ ସେ ବିଷୟରେ ତଥ୍ୟ ଜାଣିବା ପାଇଁ ନମୂନା ଫରେନସିକ ଲ୍ୟାବକୁ ଟେଷ୍ଟିଂ ପାଇଁ ପଠାଯାଇଛି । ତେବେ ଅଟକ ଥିବା ବ୍ୟକ୍ତି ରବି ଶବରଙ୍କୁ ଗିରଫ କରିବା ସହ ବନବିଭାଗ ଘଟଣା ସଂପର୍କରେ ଅଧିକ ତଦନ୍ତ କରୁଥିବା ଜଣାଯାଇଛି ।
