ଟୋକିଓ ଅଲିମ୍ପିକ୍ସ: ଆର୍ଜେଣ୍ଟିନାକୁ ହରାଇ କ୍ୱାର୍ଟର ଫାଇନାଲରେ ଭାରତୀୟ ହକି ଦଳ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଟୋକିଓ ଅଲିମ୍ପିକ୍ସରେ ଭାରତୀୟ ପୁରୁଷ ହକି ଦଳକୁ ମିଳିଛି ଆଉ ଏକ ସଫଳତା । ଆର୍ଜେଣ୍ଟିନାକୁ ୩-୧ ଗୋଲରେ ହରାଇଛନ୍ତି ଭାରତୀୟ ହକି ଦଳ । ଏହାସହ ପୁଲ ‘ଏ’ରେ ୯ ପଏଣ୍ଟ ହାସଲ କରି କ୍ୱାର୍ଟର ଫାଇନାଲରେ ନିଜ ସ୍ଥାନ ସୁରକ୍ଷିତ କରିସାରିଛି ଦଳ । ଦଳ ପକ୍ଷରୁ ବରୁଣ କୁମାର, ବିବେକ ପ୍ରସାଦ ଓ ହରମନପ୍ରୀତ ଗୋଲ କରିଥିଲେ । ମ୍ୟାଚ ଆରମ୍ଭର ୪୩ ମିନିଟ ପରେ ଭାରତ ତରଫରୁ ପ୍ରଥମ ଗୋଲ ହୋଇଥିଲା ।
୪୮ ମିନିଟରେ ଭାରତକୁ ଏକ ଗୋଲ ମିଳିବା ସହ ବରାବର ହୋଇଥିଲା । ୫୮ମିନିଟରେ ବିବେକ ପ୍ରସାଦ ଗୋଟିଏ ଗୋଲ ଓ ହରମନପ୍ରୀତ ଆଉ ଗୋଟିଏ ଗୋଲ ଦେଇଥିଲେ । ତେବେ ଟୋକିଓ ଅଲିମ୍ପିକ୍ସରେ ଭାରତୀୟ ହକି ଦଳର ଏହା ଚତୁର୍ଥ ମ୍ୟାଚ ଥିଲା । ୩ଟି ଯିତିଥିବା ବେଳେ ଅନ୍ୟଟି ଦଳକୁ ହାରିବାକୁ ପଡ଼ିଛି । ତେବେ ରିଓ ଅଲିମ୍ପିକ୍ସରେ ଆର୍ଜେଣ୍ଟିନା ସ୍ୱର୍ଣ୍ଣ ପଦକ ହାସଲ କରିଥିଲା ।