ଟୋକିଓ ଅଲିମ୍ପିକ୍ସ: ବକ୍ସିଂରେ କ୍ୱାର୍ଟରଫାଇନାଲରେ ସତୀଶ କୁମାର

ନୂଆଦିଲ୍ଲୀ(ବଡ଼ ଖବର ବ୍ୟୁରୋ):ବକ୍ସିଂ ସୁପର ହେଭି ବର୍ଗରେ ଭାରତ ପାଇଁ ପଦକ ଆଶା ଦେଖାଦେଇଛି । ସତୀଶ କୁମାର ଏହି ବର୍ଗରେ ଆଜି କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି । ରାଉଣ୍ଡ ୧୬ର ଏକ ମ୍ୟାଚରେ ଜାମାଇକାର ରିକାର୍ଡୋଙ୍କୁ ୪-୧ରେ ହରାଇ କ୍ୱାର୍ଟର ଫାିନାଲରେ ପ୍ରବେଶ କରିଛନ୍ତି ସତୀଶ । ତେବେ ସତୀଶଙ୍କର ଏହା ହେଉଛି ପ୍ରଥମ ଅଲିମ୍ପିକ୍ସ । ରିକାର୍ଡୋଙ୍କର ମଧ୍ୟ ଏହା ପ୍ରଥମ ଅଲିମ୍ପିକ୍ସ । ରିକାର୍ଡୋଙ୍କର ଦୁର୍ବଳ ଫୁଟୱାର୍କର ଫାଇଦା ନେଇ ତାଙ୍କର ପ୍ରତିଟି ଆକ୍ରମଣକୁ ବେଶ୍ ପ୍ରଭାବଶାଳୀ ଢଙ୍ଗରେ ମୁକାବିଲା କରିଥିଲେ ସତୀଶ ।

୨୦୧୬ରେ ରିଓ ଅଲିମ୍ପିକ୍ସ ପାଇଁ ସତୀଶ ଯୋଗ୍ୟତା ଅର୍ଜନ କରିପାରିନଥିଲେ । କିନ୍ତୁ ଏସିଆନ ଅଲିମ୍ପିକ୍ସ କ୍ୱାଲିଫାୟରର୍ସରେ ବ୍ରୋଞ୍ଜ ପଦକ ଜିତିଥିଲେ । ଏବଂ ଟୋକିଓ ପାଇଁ ଟିକେଟ ପାଇଥିଲେ । ୧୯୯୬ ପରଠୁ ଜାମାଇକାରୁ କୌଣସି ବକ୍ସର ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରି ନଥିବା ବେଳେ ଏଥର ୩୧ ବର୍ଷୀୟ ରିକାର୍ଡୋ ଏହି ସଫଳତା ହାସଲ କରିଥିଲେ।