ସାଲେପୁର, (ବଡ଼ ଖବର ବ୍ୟୁରୋ): କଟକ-ଚାନ୍ଦବାଲି ମୁଖ୍ୟରାସ୍ତାର ସାଲେପୁରରେ ବଢ଼ୁଛି ସଡ଼କ ଦୁର୍ଘଟଣା। ବେଆଇନ ଗାଡ଼ିପାର୍କିଂ ପାଇଁ ଘଟୁଛି ଦୁର୍ଘଟଣା। ଏହି ରାସ୍ତା ଦେଇ ହଜାର ହଜାର ଗାଡ଼ି ଯିବା ଆସିବା କରୁଥିବା ବେଳେ ବର୍ତ୍ତମାନ ମୁଖ୍ୟରାସ୍ତା ଉପରେ ଲୋକେ ଗାଡ଼ି ରଖି କିଣା କିଣି କରିବା ପାଇଁ ଯାଉଛନ୍ତି । ମୁଖ୍ୟରାସ୍ତାରେ ଗାଡ଼ି ମାତ୍ରାଧିକ ରହୁଥିବାରୁ ସୃଷ୍ଟି ହେଉଛି ଟ୍ରାଫିକ୍ ସମସ୍ୟା । ଦୁର୍ଘଟଣାର ସମ୍ମୁଖୀନ ହେଉଛନ୍ତି ପଥଚାରୀ । 
ଆମ୍ବୁଲାନ୍ସ ଓ ଦମକଳ ବାହିନୀ ଗାଡ଼ି ଯିବା ସମୟରେ ବହୁତ ଅସୁବିଧାର ସମ୍ମୁଖୀନ ହେଉଛି । ସାଲେପୁର ଛକରେ ଆବଶ୍ୟକ ଟ୍ରାଫିକ କର୍ମଚାରୀ ନ ଥିବାରୁ ବାରମ୍ବାର ସମସ୍ୟା ଉପୁଜୁଥିବା ସ୍ଥାନୀୟ ଲୋକମାନେ ଅଭିଯୋଗ କରିଛନ୍ତି । ଆଗାମୀ ଦିନରେ ପ୍ରଶାସନ ପକ୍ଷରୁ ଆବଶ୍ୟକ ଟ୍ରାଫିକ କର୍ମଚାରୀ ନିୟୋଜିତ କରିଲେ ସମସ୍ତ ସମସ୍ୟାର ସମାଧାନ ହୋଇ ପାରିବ ବୋଲି ସାଧାରଣରେ ମତ ପ୍ରକାଶ ପାଉଛି ।
