ରାଜଗାଙ୍ଗପୁର(ବଡ଼ ଖବର ବ୍ୟୁରୋ): ଟ୍ରାଫିକ ଆଇନ ଉଲ୍ଲଙ୍ଘନ କରି ବାଇକ ଆରୋହୀଙ୍କୁ ଦେବାକୁ ପଡ଼ିଛି ଜରିମାନା । ଏଭଳି ଘଟଣା ଘଟିଛି ରାଜଗାଙ୍ଗପୁର ସହର ରାଣୀବନ୍ଧ ଛକଠାରେ । ପୋଲିସ ଓ ଆରଟିଓ କର୍ମଚାରୀମାନେ ଗାଡ଼ି ଚେକିଂ କରୁଥିବା ସମୟରେ ଲିଭନ ବାଡ଼ା ନାମକ ଜଣେ ବାଇକ ଆରୋହୀଙ୍କୁ ଧରିଥିଲେ । ସମସ୍ତ କାଗଜପତ୍ର ଯାଞ୍ଚ କରିବା ପରେ ୨୨ହଜାର ୫୦୦ ଟଙ୍କା ଚାଲଣ କଟାଯାଇଥିଲା । ସାଧାରଣ ଅପରାଧ ,ଡ଼ିଏଲ ନଥିବା , ଡ଼ିଏଲ ନଥାଇ ଗାଡ଼ି ଚଳାଇବା, ମଦପିଇ ଗାଡ଼ି ଚଳାଇବା ଆଦି ଅପରାଧରେ ଜରିମାନା କଟାଯାଇଥିଲା । ଜରିମାନ ଅର୍ଥ ନଦେବାରୁ ଚାଳକଙ୍କୁ ଅଟକ ରଖାଯାଇଥିବା ବେଳେ ତାଙ୍କ ବାଇକ ଜବତ କରାଯାଇଛି ।
