କୋଟଗଡ଼, (ବଡ଼ ଖବର ବ୍ୟୁରୋ): କୋଇଲା ବୋଝେଇ ଟ୍ରକ ଦୁର୍ଘଟଣା ଘଟି ହେଲପର ମୃତ, ଡ୍ରାଇଭର ଗୁରୁତର । କନ୍ଧମାଳ ଜିଲ୍ଲା କୋଟଗଡ଼ ବ୍ଲକ ଖାରିନାଳ ପାଖରେ ଘଟିଛି ଏହି ଦୁର୍ଘଟଣା । ଆଜି ଅପରାହ୍ନ ୩ଟାରେ ଏପି୧୬-ଟିଇ୬୩୨୫ ନମ୍ବର କୋଇଲା ବୋଝେଇ ଟ୍ରକ ଆନ୍ଧ୍ରରୁ ଆସୁଥିବା ବେଳ କୋଟଗଡ଼ଠାରୁ ୨କିମି ଦୁରରେ ଥିବା ଖାରିନାଳ ନିକଟ ବୁଲାଣିରେ ଭାରସାମ୍ୟ ହରାଇ ଗଛରେ ପିଟି ହୋଇଯଇଥିଲା । ଫଳରେ ଟ୍ରକରେ ନିଆଁ ଲାଗି ବସ୍ପୋରଣ ସୃଷ୍ଟି ଘଟିଥିଲା । ଟ୍ରକରେ ଥିବା ଡ୍ରାଇଭର ଓ ହେଲପର ଗୁରୁତର ଆହାତ ହୋଇଥିଲେ । ସ୍ଥାନୀୟ ଲୋକଙ୍କ ସହୟାତରେ ସେମାନଙ୍କୁ ନିକଟସ୍ଥ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ଅବସ୍ଥା ଗୁରୁତର ଥିବାରୁ ସେମାନଙ୍କୁ ବିଶାଖାପଟଣା ସ୍ଥାନାନ୍ତର କରାଯିବା ବାଟରେ ହେଲପରଙ୍କ ମୃତ୍ୟୁ ହୋଇଥିବା ସୂଚନା ମିଳିଛି ।

Leave a Reply

Your email address will not be published. Required fields are marked *