‘ମିଛ ମାମଲା ଛନ୍ଦି ଦିଆଯାଇଛି’

ନୂଆଦିଲ୍ଳୀ (ବଡ଼ ଖବର ବ୍ୟୁରୋ):  ଆମେରିକା ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗିରଫ । ଗିରଫର ଘଣ୍ଟାଏ ପରେ ମିଳିଲା ଜାମିନ । କିନ୍ତୁ ସେ ଅଦାଲତରେ କହିଛନ୍ତି ଯେ ସେ କୌଣସି ଅପରାଧ କରିନାହାନ୍ତି। ତାଙ୍କର ସମସ୍ତ ବ୍ୟବସାୟିକ ସଂକ୍ରାନ୍ତ ଦସ୍ତାବିଜ ଠିକ୍‌ଠାକ୍‌ ରହିଛି । କୌଣସି କ୍ଷେତ୍ରରେ ଜାଲିଆତି ହୋଇନାହିଁ। ଏ ବାବଦରେ ସବୁକିଛି ସ୍ପଷ୍ଟ ହୋଇଯିବ ବୋଲି ଟ୍ରମ୍ପ୍‌ ତାଙ୍କ ଯୁକ୍ତି ରଖି କହିଛନ୍ତି। ପୂର୍ବତନ ରାଷ୍ଟ୍ରପତିଙ୍କ ଟ୍ରମ୍ପ୍‌ଙ୍କ ବିରୋଧରେ ପ୍ରଥମ କରି ଏଭଳି ମାମଲା ରୁଜୁ କରାଯାଇଥିବା ବେଳେ ଏ ନେଇ କ’ଣ ପ୍ରମାଣ ରହିଛି ତାହା ଏଯାଏ ସ୍ପଷ୍ଟ ହୋଇ ନାହିଁ।

କେଉଁ ଆଧାରରେ ୩୦ରୁ ଅଧିକ ଅପରାଧିକ ମାମଲାରେ ତାଙ୍କୁ ଦୋଷୀ ଭାବେ ଦର୍ଶାଯାଇଛି ତାହାକୁ ନେଇ ନାନା ପ୍ରଶ୍ନବାଚୀ ସୃଷ୍ଟି ହୋଇଛି। ସେପଟେ ଆଜି ଆନୁଷ୍ଠାନିକ ଗିରଫଦାରୀ ପୂର୍ବରୁ ଟ୍ରମ୍ପଙ୍କ ଓକିଲ କହିଛନ୍ତି ଯେ ଗୋଟିଏ ପରେ ଗୋଟିଏ ମିଥ୍ୟା ମାମଲା ଛନ୍ଦି ଦିଆଯାଇଛି । ଆମେ ଏହାର ଦୃଢ଼ ମୁକାବିଲା କରିବୁ।