ତୁର୍କୀ ଭୂମିକମ୍ପ, ୫୦ ହଜାର ଟପିଲା ମୃତ୍ୟୁସଂଖ୍ୟା
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଚଳିତ ମାସ ଆରମ୍ଭରେ ତୁର୍କୀ ଏବଂ ସିରିଆରେ ହୋଇଥିବା ଭୟଙ୍କର ଭୂମିକମ୍ପରେ ମୃତ୍ୟୁସଂଖ୍ୟା ୫୦,୦୦୦ ଟପିଛି । ତୁର୍କୀରେ ହିଁ ୪୪,୨୦୦ରୁ ଅଧିକ ଲୋକଙ୍କ ମୃତ୍ୟୁ ହୋଇଥିବାବେଳେ ସିରିଆରେ ୬,୦୦୦ ରୁ ଊର୍ଦ୍ଧ୍ବ ଲୋକଙ୍କ ଜୀବନ ଯାଇଛି । ଫେବୃଆରୀ ୬ ରେ ହୋଇଥିଲା ତୁର୍କୀ ଏବଂ ସିରିଆରେ ଦୁଇଟି ଶକ୍ତିଶାଳୀ ଭୂକମ୍ପ । ଏହି ଭୟଙ୍କର ଭୂକମ୍ପ ସବୁକିଛି ଛାରଖାର କରିଦେଇଛି ତୁର୍କୀକୁ ।
ଭୂକମ୍ପ ଯୋଗୁଁ ଘର ହରାଇ ଦେଇଥିବା ୧୫ ଲକ୍ଷ ଲୋକଙ୍କ ପାଇଁ ଘର ନିର୍ମାଣ ଯୋଜନା ଆରମ୍ଭ ହୋଇଛି। ସେପଟେ ତୁର୍କୀ ରାଷ୍ଟ୍ରପତି ତାୟିପ ଏର୍ଡୋଗାନ ବର୍ଷକ ମଧ୍ୟରେ ସବୁ ଘର ପୁନଃନିର୍ମାଣ ପାଇଁ ପ୍ରତିଶ୍ରୁତି ଦେଇଛନ୍ତି। ତୁର୍କୀ ସରକାରଙ୍କ ପ୍ରଥମ ଯୋଜନା ହେଉଛି ୨ ଲକ୍ଷ ଆପାର୍ଟମେଣ୍ଟ୍ ଏବଂ ୭୦ ହଜାର ଘର ନିର୍ମାଣ କରିବା। ଏଥିପାଇଁ ଆନୁମାନିକ ୧୫ ବିଲିଅନ ଡଲାର ଖର୍ଚ୍ଚ ହେବ।