କୋଭିସିଲ୍ଡକୁ ଆମେରିକାର ମଞ୍ଜୁରୀ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କୋଭିଡ-୧୯ ଟିକାର ଡବଲ ଡୋଜ ନେଇଥିବା ଭାରତ ସମେତ ୩୩ଟି ଦେଶର ଲୋକେ ଆସନ୍ତା ନଭେମ୍ବର ମାସରୁ ଆମେରିକା ବିମାନ ଯାତ୍ରା କରିପାରିବେ । ଏଥିପାଇଁ ମଞ୍ଜୁରୀପ୍ରାପ୍ତ ଟିକା ତାଲିକାରେ ଭାରତ ପ୍ରସ୍ତୁତ କୋଭିସିଲ୍ଡ ରହିଛି । କେବଳ କୋଭିସିଲ୍ଡ ନେଇଥିବା ଭାରତୀୟ ଆମେରିକା ଯାଇପାରିବେ । ଅନ୍ୟଦେଶ ମଧ୍ୟରେ ଫ୍ରାନ୍ସ, ଜର୍ମାନୀ, ଇଟାଲୀ, ସ୍ପେନ, ସୁଇଜରଲାଣ୍ଡ, ଗ୍ରୀସ୍, ବ୍ରିଟେନ, ଆୟରଲାଣ୍ଡ, ଚାଇନା, ଦକ୍ଷିଣ ଆଫ୍ରିକା, ଇରାନ ଓ ବ୍ରାଜିଲର ଲୋକଙ୍କୁ ଆମେରିକା ଯିବା ପାଇଁ ଅନୁମତି ମିଳିଛି ।
ବିମାନଯାତ୍ରା କରିବା ପର୍ବୂରୁ ସେମାନଙ୍କୁ ଟିକା ନେଇଥିବାର ପ୍ରମାଣପତ୍ର ଦେଖାଇବାକୁ ହେବ । ସେମାନେ ଆମେରିକାରେ ପହଞ୍ଚିବାପରେ ଆଉ କ୍ୱାରେଣ୍ଟାଇନରେ ରହିବାକୁ ପଡିବନାହିଁ । ବର୍ତ୍ତମାନ ସୁଦ୍ଧା ବିଶ୍ୱ ସ୍ୱାସ୍ଥ୍ୟ ସଂଗଠନ ୭ କୋଭିଡ ଟିକାକୁ ମଞ୍ଜୁରୀ ଦେଇଛି । ଅନ୍ୟପକ୍ଷରେ କୋଭିସିଲ୍ଡ ଟିକା ନେଇଥିବା ଭାରତୀୟ ପାଇଁ ବ୍ରିଟେନ ଯିବାଲାଗି ଅନୁମତି ମିଳୁନଥିବାରୁ କେନ୍ଦ୍ରସରକାର ଜବାବୀ ପଦକ୍ଷପ ଗ୍ରହଣ କରିବେ ବେଲି ଚେତାବନୀ ଦେଇଛନ୍ତି ।