ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଆଜି ହିନ୍ଦୀ ଦିବସ । ଦେଶରେ ପ୍ରାୟ ୭୭ ପ୍ରତିଶତ ଲୋକ ହିନ୍ଦୀ କହିଥାନ୍ତି । ଦେଶରେ ହିନ୍ଦୀ ଭାଷାକୁ ଅଣଦେଖା ରୋକିବା ଲାଗି ପ୍ରତି ବର୍ଷ ସେପ୍ଟେମ୍ବର ୧୪ ତାରିଖକୁ ହିନ୍ଦୀ ଦିବସ ଭାବେ ପାଳନ କରାଯାଏ । ୧୯୫୩ ମସିହାରେ ପ୍ରଥମ କରି ହିନ୍ଦୀ ଦିବସ ପାଳନ ହୋଇଥିଲା ।ଭାରତୀୟ ସଂସ୍କୃତିର ଅତୁଟ ଅଂଶ ହିନ୍ଦୀ ଭାଷା । ଯୁଗ ଯୁଗରୁ ସମଗ୍ର ଦେଶକୁ ଏକଜୁଟ କରିବାରେ ହିନ୍ଦୀର ଗୁରୁତ୍ୱପୂର୍ଣ୍ଣ ଭୂମିକା ରହିଛି ।
ଏହି ହିନ୍ଦୀ ଦିବସ ଅବସରରେ କେନ୍ଦ୍ରମନ୍ତ୍ରୀ ଅମିତ ଶହା କହିଛନ୍ତି, “ଦେଶକୁ ଏକତାର ସୁତ୍ରରେ ବାନ୍ଧି ରଖିଛି ହିନ୍ଦୀ ଭାଷା । ଦେଶବାସୀଙ୍କୁ ଏକଜୁଟ କରିବାରେ ହିନ୍ଦୀର ଗୁରୁ୍ତ୍ୱପୂର୍ଣ୍ଣ ଭୂମିକା ରହିଛି । ଦୁନିଆର ସବୁଠୁ ବଡ ଗଣତନ୍ତ୍ର ଭାରତର ଭାଷାର ବିଭିଧତାକୁ ଏକତାର ସୁତ୍ରରେ ବାନ୍ଧି ରଖିବାର ନାମ ହେଉଛି ହିନ୍ଦୀ । ହିନ୍ଦୀ ଦିବସ ଅବସରରେ ରାଷ୍ଟଭାଷା ହିନ୍ଦୀ ସହିତ ସମସ୍ତ ଭାରତୀୟ ଭାଷାକୁ ସଶକ୍ତ କରିବାକୁ ସଂକଳ୍ପ ନେବା”।
