ବିଜେପି ଅସୁବିଧାରେ ପଡ଼ିଲେ ସୁବିଧାବାଦର କଥା କୁହେ: ପ୍ରସନ୍ନ ଆଚାର୍ଯ୍ୟ

ଭୁବନେଶ୍ୱର(ବଡ଼ ଖବର ବ୍ୟୁରୋ): ବିଜେପି ଯେତେବେଳେ ଅସୁବିଧାରେ ପଡେ ସେତେବେଳେ ସୁବିଧାବାଦର କଥା କୁହେ । ଏଭଳି କହିଛନ୍ତି ବିଜେଡି ଉପ ସଭାପତି ପ୍ରସନ୍ନ ଆଚାର୍ଯ୍ୟ । ଇତିହାସ ଖୋଲିଲେ ଜଣାପଡ଼ିବ କିଏ ସୁବିଧାବାଦୀ । ଆମେ ଓଡ଼ିଶାର ସୁବିଧା ପାଇଁ କାମ କରୁଛୁ ବୋଲି କହିଛନ୍ତି ପ୍ରସନ୍ନ । ରାଜ୍ୟର ସ୍ୱାର୍ଥ କୁ ଆଖି ଆଗରେ ରଖି ଆମେ ନିଷ୍ପତି ନେଉ । ୨୦୦୯ ମେଣ୍ଟ ସରକାର ପରଠାରୁ ବିଜେଡିର ସମଦୂରତ୍ୱ ନୀତି ବଜାୟ ରହିଛି । ଜେଡିୟୁ କ’ଣ ଟ୍ୱିଟ କଲା ଜେଡିୟୁ କହିପାରିବ କିନ୍ତୁ ମୁଖ୍ୟମନ୍ତ୍ରୀ କହିଛନ୍ତି ଏହା ଏକ ସୌଜନ୍ୟମୂଳକ ସାକ୍ଷାତ । ନବୀନ ଓ ନୀତୀଶଙ୍କ ପୁରାତନ ବନ୍ଧୁତା ରହିଛି । ଜେଡିୟୁ ଗୋଟେ ଅନ୍ୟ ରାଜନୈତିକ ଦଳ ବିଜେଡି ଗୋଟେ ଅନ୍ୟ ରାଜନୈତିକ ଦଳ । ଓଡ଼ିଶାକୁ ଯେଉଁ ନେତା ବା ଯେଉଁ ରାଜ୍ୟର ମୁଖ୍ୟମନ୍ତ୍ରୀ ଆସନ୍ତି ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟନ୍ତି । ନବୀନ କେଵେଳ ଓଡ଼ିଶାର ମୁଖ୍ୟମନ୍ତ୍ରୀ ନୁହନ୍ତି ସେ ଭାରତବର୍ଷ ର ଉଚ୍ଚ ନେତୃତ୍ୱ । ତାଙ୍କପ୍ରତି ସବୁ ଦଳର ସବୁ ନେତାଙ୍କ ସମ୍ମାନ ଅଛି । ନବୀନ ଜଣେ ପୁରୁଖା ରାଜନେତା କେନ୍ଦ୍ରମନ୍ତ୍ରିମଣ୍ଡଳରେ ମନ୍ତ୍ରୀ ଥିଲେ । ଭାରତ ବର୍ଷର ସବୁ ନେତାଙ୍କ ସହ ତାଙ୍କର ପରିଚୟ ଅଛି । ନୀତିଶଙ୍କ ସହ ଆଲୋଚନା ପରେ ନବୀନ କହିଛନ୍ତି କୌଣସି ରାଜନୈତିକ ଆଲୋଚନା ହୋଇନାହିଁ ।