ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ବର୍ତ୍ତମାନ ସମୟରେ ଡିଜିଟାଲ ପେମେଣ୍ଟ କ୍ଷେତ୍ରରେ ୟୁପିଆଇର ଅଛି ଗୁରୁତ୍ୱପୂର୍ଣ୍ଣ ଭୂମିକା । ଏହା ଦେୟ ମୁକ୍ତ ଶୀଘ୍ର ଏବଂ ନିରାପଦ ମଧ୍ୟ । ୟୁପିଆଇ ର୍ଟ୍ରାଞ୍ଜାକ୍ସନ୍ ବ୍ୟାଙ୍କ ଆକାଉଣ୍ଟ ସହ ଲିଙ୍କ ହୋଇଛି । ଏହା ଦ୍ୱାରା ଟଙ୍କା ଦେଣ ନେଣ କ୍ଷେତ୍ରରେ ଅତି ସୁବିଧା ହୋଇପାରୁଛି । ୯୯. ୯ ପ୍ରତିଶତ ଟଙ୍କା କାରବାର ୟୁପିଆଇ ଦ୍ୱାରା ସମ୍ଭବ ହୋଇପାରୁଛି । ଏହା ପୂର୍ବ ପରି ଦେୟ ମୁକ୍ତ ରହିବ ।
ଗ୍ରାହକ ଓ ବ୍ୟବସାୟିକ ସୁବିଧା ପାଇଁ ପୂର୍ବ ପରି ଇ-ଟ୍ରାଞ୍ଜାକ୍ସନରେ କୌଣସି ଶୁଳ୍ପ ଦେବାକୁ ପଡ଼ିବ ନାହିଁ । ଏନପିସିଆଇ ପକ୍ଷରୁ ଜାରି ହୋଇଥିବା ଏକ ବିଜ୍ଞପ୍ତିରେ କୁହାଯାଇଛି ପ୍ରତି ମାସରେ ୮ ବିଲିୟନ ଦେଣ ନେଣ ୟୁପିଆଇ ମାଧ୍ୟମରେ ମାଗଣାରେ ହେଉଛି । ଏହା ପୂର୍ବ ପରି ବଳତ୍ର ରହିବ । ପୂର୍ବରୁ ୟୁପିଆଇ ପେମେଣ୍ଟ ମହଙ୍ଗା ହେବା ନେଇ ଖବର ଆସିଥିଲା । ଯାହାକୁ ନେଇ ଜନ ଅସନ୍ତୋଷ ଦେଖାଦେଇଥିଲା । ଏହା ପରେ ନିଷ୍ପତ୍ତି ବଦଳାଇଛି ନ୍ୟାସନାଲ ପେମେଣ୍ଟ କୋର୍ପରେସନ୍ ଅଫ୍ ଇଣ୍ଡିଆ ।
