ହାୱଡାରେ ରାମ ନବମୀ ହିଂସା, ଯାଞ୍ଚ କରିବ ସିଆଇଡି
କୋଲକାତା(ବଡ଼ ଖବର ବ୍ୟୁରୋ): ପଶ୍ଚିମବଙ୍ଗର ହାୱଡାରେ ରାମ ନବମୀ ହିଂସା । ଘଟଣାର ଯାଞ୍ଚ କରିବ ସିଆଇଡି । ହୋଇଥିବା ହିଂସାକୁ ନେଇ ରାଜନୀତି ସରଗରମ ରହିଛି । ଏହାରି ଭିତରେ ରାଜ୍ୟ ସରକାର ସିଆଇଡି ତଦନ୍ତ ପାଇଁ ଶନିବାର ନିର୍ଦ୍ଦେଶ ଦେଇଛନ୍ତି। ଉକ୍ତ ଅଞ୍ଚଳରେ ପୋଲିସର ପାଟ୍ରୋଲିଂକୁ ମଧ୍ୟ ବୃଦ୍ଧି କରାଯାଇଛି। ଏହି ଘଟଣାର ଯାଞ୍ଚରେ ସିଆଇଡିର ସ୍ପେଶାଲ ଅପରେସନ୍ ଗ୍ରୁପ ସହିତ ଅନେକ ବ୍ରାଞ୍ଚ ସାମିଲ ହେବେ। ଏଥିରେ ଡିଆଇଜି ର୍ୟାଙ୍କର ଅଧିକାରୀ ରହିବେବୋଲି ଜଣାପଡ଼ିଛି। ସୂଚନାଯୋଗ୍ୟ, ହିଂସାକୁ ନେଇ ରାଜ୍ୟର ମୁଖ୍ୟ ବିରୋଧୀ ଦଳ ଭାଜପା ମମତା ସରକାରକୁ ଟାର୍ଗେଟ କରିଥିଲେ। ଏଥିସହ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ବିରୋଧରେ ଅନେକ ଗୁରୁତର ଅଭିଯୋଗ ଆଣିଛନ୍ତି।
