Before Header

ମହିଳା ଜୀବନ୍ତ ଦଗ୍ଧ

0 47

ଦଶରଥପୁର(ବଡ଼ ଖବର ବ୍ୟୁରୋ): ଅଗ୍ନିକାଣ୍ଡରେ ମହିଳା ଜୀବନ୍ତ ଦଗ୍ଧ । ଘରେ ଥିବା ଆସବାବପତ୍ର, ଟଙ୍କା, ଅଳଙ୍କାର ଓ ବହୁମୂଲ୍ୟବାନ ଜିନିଷ ପୋଡି ପାଉଁଶ ହୋଇଯାଇଛି । ଏହି ଘଟଣା ଘଟିଛି ଯାଜପୁର ଜିଲ୍ଲା କନିକାପଡା ପଂଚାୟତ ଶ୍ରୀରାମପୁର ଗାଁରେ । ଗାଁର ନିରଞ୍ଜନ ଦାସଙ୍କ ଘର ସମ୍ପୂର୍ଣ୍ଣ ଜଳିଯାଇଛି । ଶନିବାର ବିଳମ୍ବିତ ରାତିରେ ଘରେ ସମସ୍ତେ ଶୋଇବା ପରେ ହଠାତ୍ ନିଆଁ ଲାଗିଥିଲା । ଗାଁ ଲୋକେ ଘରେ ଶୋଇଥିବା ନିରଞ୍ଜନଙ୍କ ତିନି ବର୍ଷର ଝିଅ ଓ ମା’ ଙ୍କୁ ଉଦ୍ଧାର କରିଥିଲେ । କିନ୍ତୁ ତାଙ୍କ ସ୍ତ୍ରୀ ମଧୁସ୍ମିତାଙ୍କୁ ଉଦ୍ଧାର କରିପାରି ନଥିଲେ । ସେ ଜୀବନ୍ତ ଦଗ୍ଧ ହୋଇଯାଇଥିଲେ । ଅଗ୍ନିକାଣ୍ଡର ପ୍ରକୃତ କାରଣ ଜଣାପଡି ନାହିଁ । ମଙ୍ଗଳପୁର ପୋଲିସ ଘଟଣାସ୍ଥଳରେ ପହଁଚି ତଦନ୍ତ କରୁଛି ।

Leave A Reply

Your email address will not be published.