ପିପିଇକିଟ୍ ପିନ୍ଧି କରାଇଲେ ପ୍ରସବ

ପାପଡ଼ାହାଣ୍ଡି()କରୋନାକୁ ଭୟ ନକରି ଉଦାହରଣ ସୃଷ୍ଟି କଲେ ଡାକ୍ତର । ପିପିଇକିଟ୍ ପିନ୍ଧି କରାଇଲେ ପ୍ରସବ । ପାପଡାହାଣ୍ଡି ବ୍ଲକ ମାଝୀଗୁଡା ପଂଚାୟତ, ଚିକିଲିଆଗୁଡା ଗ୍ରାମର ଜଣେ ମହିଳା ପ୍ରସବ ଯନ୍ତ୍ରଣାରେ ଛଟପଟ ହେବାରୁ ପରିବାର ଲୋକେ ତାଙ୍କୁ ମଇଦଲପୁର ଡାକ୍ତରଖାନାରେ ଭର୍ତ୍ତି କରିଥିଲେ । ପ୍ରଥମେ ଗର୍ଭବତୀଙ୍କ କରୋନା ପରୀକ୍ଷା କରଯାଇଥିଲା। ଟେଷ୍ଟ ପରେ ମହିଳା ଜଣକ କରୋନା ପଜିଟିଭ ଥିବା ଜଣାପଡିଥିଲା । ଦେଇଥିଲେ । କାର୍ୟ୍ୟରତ ଡାକ୍ତର ମୋହନ ଦାସ ପଜିଟିଭ କଥା ଶୁଣି ବ୍ୟତିବ୍ୟସ୍ତ ହେଇଯାଇଥିଲେ । ଗର୍ଭବତୀ ମହିଳାଙ୍କ ପ୍ରସବ ଯନ୍ତ୍ରଣା ଅଧିକ ହେଉଥିବା ଜାଣି ଡାକ୍ତର ସଙ୍ଗେ ସଙ୍ଗେ ପିପିଇକିଟ ପିନ୍ଧି ଚିକିତ୍ସାରେ ଲାଗିପଡିଲେ । ମହିଳା ଜଣକ ଗୋଟିଏ ପୁତ୍ରସନ୍ତାନକୁ ଜନ୍ମ ଦେଇଥିଲେ ।

ଜୀବନକୁ ବାଜି ଲଗାଇ ମଇଦଲପୁର ସ୍ୱାସ୍ଥ୍ୟକେନ୍ଦ୍ରର ମହିଳା ସ୍ୱାସ୍ଥ୍ୟକର୍ମୀ ରଶ୍ମିତା ବାଗ ଓ ସହାୟିକା ପଦ୍ମା ଭତ୍ରା ପିପିଇକିଟ ପିନ୍ଧି ପ୍ରସବ କରାଇବାରେ ଡାକ୍ତରଙ୍କୁ ସହଯୋଗ କରିଥିଲେ। ଡାକ୍ତର ଓ ସ୍ୱାସ୍ଥ୍ୟକର୍ମୀଙ୍କ ଏଭଳି କାର୍ୟ୍ୟ ପାଇଁ ଚାରିଆଡୁ ପ୍ରଶଂସାର ସୁଅ ଛୁଟିଛି । ଏବେ ମାଆ ଓ ଶିଶୁ ସୁସ୍ଥ ଥିବା ଡାକ୍ତର ସୂଚନା ଦେଇଛନ୍ତି । ଉଭୟଙ୍କୁ ସେମାନଙ୍କ ଘରକୁ ପଠାଇ ଦିଆଯାଇଛି । ଘରେ ସଂଘରୋଧରେ ରହିବାକୁ ଡାକ୍ତର ପରାମର୍ଶ ଦେଇଛନ୍ତି । ଚିକିଲିଆଗୁଡା ଗ୍ରାମକୁ କଣ୍ଟାକ୍ଟ ଟ୍ରେସିଂ କରି ଗାଁ ଲୋକଙ୍କର କରୋନା ପରୀକ୍ଷା କାରାଯିବାକୁ ସାଧାରଣରେ ଦାବି ହେଉଛି ।