ଘଡ଼ଘଡ଼ି ସହ ହାଲୁକାରୁ ମଧ୍ୟମ ଧରଣର ବର୍ଷା ସମ୍ଭାବନା
ଭୁବନେଶ୍ୱର(ବଡ଼ ଖବର ବ୍ୟୁରୋ): ଶନିବାର ଉତ୍ତର ଓଡ଼ିଶାର ଅନେକ ସ୍ଥାନ ଏବଂ ଦକ୍ଷିଣ ଉପକୂଳର କିଛି ଜାଗାରେ ଘଡ଼ଘଡ଼ି ସହ ହାଲୁକାରୁ ମଧ୍ୟମ ଧରଣର ବର୍ଷା ହୋଇପାରେ । କେନ୍ଦୁଝର, ମୟୂରଭଞ୍ଜ, ଭଦ୍ରକରେ ପ୍ରବଳ ବର୍ଷା ସମ୍ଭାବନା ଅଛି । ଏହାବାଦ୍ ଉତ୍ତର, ପଶ୍ଚିମ ଏବଂ ଉପକୂଳର କିଛି ଘଡ଼ଘଡ଼ି ସହ ବର୍ଷା, ପବନ ନେଇ ସତର୍କ ସୂଚନା ଜାରି କରାଯାଇଛି । ଆସନ୍ତା ୨ ଦିନ ଭିତରେ ରାଜ୍ୟରେ ତାପମାତ୍ରା ୨ରୁ ୩ ଡିଗ୍ରୀ ସେଲସିୟସ୍ କମିପାରେ । ୨୧/୨୨ରୁ ରାଜ୍ୟରେ ବର୍ଷା ସାମାନ୍ୟ ବଢ଼ିବ । ୨୫ବେଳକୁ ସାମାନ୍ୟ କମିବ ।
କିନ୍ତୁ, ୨୭ବେଳକୁ ପୁଣି ବର୍ଷା ପରିମାଣ ବୃଦ୍ଧି ପାଇବ । ଏବେ ଆଉ ଗରମ ବଢ଼ିବନି । କିନ୍ତୁ, ଗୁଳୁଗୁଳି ରହିବ । ହେଲେ ଗୁଳୁଗୁଳି ରହିଲେ ବର୍ଷା ଯୋଗୁ ବାତାବରଣ ପୁଣି ଥଣ୍ଡା ବଢ଼ିବ । ଜୁନ୍ ମାସ ଆରମ୍ଭରୁ ଏଯାଏ ଦେଶରେ ଯେତିକି ବର୍ଷା ହେବା କଥା, ତା’ଠାରୁ ୪୦% ନିଅଣ୍ଟିଆ ରହିଛି । ଓଡ଼ିଶାରେ ବର୍ଷା ପରିମାଣ ଏବେ ବି ସ୍ୱାଭାବିକ ତୁଳନାରେ ୪୮% କମ୍ ରହିଛି । ଆଜି ପ୍ରାୟତଃ ପାଗ ମେଘୁଆ ଥିଲା । ଭୁବନେଶ୍ୱର, ଚାନ୍ଦବାଲି, ପାରାଦୀପ, ଝାରସୁଗୁଡ଼ା, ସମ୍ବଲପୁର, କେନ୍ଦୁଝର, ରାଉରକେଲା, ହୀରାକୁଦ, ବାଲେଶ୍ୱରରେ ଆକାଶ ସବୁଠାରୁ ଅଧିକ ମେଘାଚ୍ଛନ୍ନ ଥିଲା ।