ଭୟଙ୍କର ଟ୍ରେନ୍ ଦୁର୍ଘଟଣା

ସୋର(ବଡ଼ ଖବର ବ୍ୟୁରୋ): ନିର୍ଦ୍ଧାରିତ ସମୟରେ ବାଲେଶ୍ୱର ଷ୍ଟେସନ ଛାଡିଥିଲା କରମଣ୍ଡଳ । ଦ୍ରୁତ ଗତିରେ ଗନ୍ତବ୍ୟସ୍ଥଳ ଅଭିମୁଖେ ଉଡିଚାଲିଥିଲା ଟ୍ରେନ୍ । ସମୟ ସଂଧ୍ୟା ୬.୩୦ । ବାହାନଗା ଷ୍ଟେସନ୍ ଅତିକ୍ରମ କରୁଥିବା ବେଳେ ଏକ ମାଲବାହୀ ଟ୍ରେନକୁ ଦେଇଥିଲା ଧକ୍କା । ଧକ୍କା ଏତେ ଜୋରଥିଲା ଯେ କରମଣ୍ଡଳ ଟ୍ରେନର ଇଞ୍ଜିନ ସହ କିଛି ବଗି ଡାଉନ୍ ଲାଇନରେ ପଡିଯାଇଥିଲା । ଠିକ୍ ଏହି ସମୟରେ ହାୱଡ଼ା ଅଭିମୁଖେ ମାଡି ଆସୁଥିଲା ସୁପରଫାଷ୍ଟ ସାଲିସାର ଏକ୍ସପ୍ରେସ୍ ।

କରମଣ୍ଡଳର ପଡିଥିବା ବଗି ଉପରେ ଚଢି ସାଲିମାର ମଧ୍ୟ ହୋଇଥିଲା ଲାଇନଚୁ୍ୟତ । ହଠାତ୍ କାନ୍ଦ ବୋବାଳିରେ ଫାଟି ପଡିଥିଲା ସମଗ୍ର ଅଞ୍ଚଳ । ଦୁର୍ଘଟଣାର ଶବ୍ଧ ଏତେ ଜୋର ଥିଲା ଯେ ପାୟ କିଲୋମିଟର ଦୂରକୁ ଶୁଭିଥିଲା । ଖବର ପାଇ ଘଟଣାସ୍ଥଳକୁ ଦୌଡି ଆସିଥିଲେ ସ୍ଥାନୀୟ ଲୋକେ । ବିଜୁଳି ବେଗରେ ବ୍ୟାପିଯାଇଥିଲା ଭୟଙ୍କର ଟ୍ରେନ୍ ଦୁର୍ଘଟଣାର ଖବର ।