ମହିଳାଙ୍କୁ ହତ୍ୟା, ସ୍ୱାମୀ ଅଟକ

ଦଶରଥପୁର(ବଡ଼ ଖବର ବ୍ୟୁରୋ): ଧାରୁଆ ଅସ୍ତ୍ର ରେ ମହିଳାଙ୍କୁ ହାଣୀ ହତ୍ୟା । ଏଭଳି ଘଟଣା ଘଟିଛି ଯାଜପୁର ଜିଲ୍ଲା ମଙ୍ଗଳପୁର ଥାନା ଦତ୍ତପୁର ପଞ୍ଚାୟତ ର ହେମନ୍ତ ପୁର ଗ୍ରାମରେ । ଏହି ଗ୍ରାମର ରନ୍ଥା ଜେନାଙ୍କ ପତ୍ନୀ ରେଣୁକା ଜେନାଙ୍କୁ ହତ୍ୟା କରାଯାଇଛି । ବୈତରଣୀ ନଦୀ ବନ୍ଧ ନିକଟରେ ରେଣୁକା ଙ୍କର ମୃତ ଦେହ ରକ୍ତ ଜୁଡୁ ବୁଡୁ ଅବସ୍ଥା ରେ ପଡିରହିଥିବାର ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ଏହାପରେ ତାଙ୍କ ସ୍ୱାମୀ ଏବଂ ସ୍ଥାନୀୟ ଲୋକେ ଖବର ପାଇଁ ଘଟଣା ସ୍ଥଳ ରେ ପହଂଚିଥିଲେ, ମଙ୍ଗଳପୁର ପୋଲିସ ଖବର ପାଇ ପହଂଚି ମୃତ ଦେହ କୁ ଜବତ କରିବା ସହ ଘଟଣା ସ୍ଥଳ ରେ ପଡିରହିଥିବା ପନିକି କୁ ଜବତ କରିବା ସହ ସ୍ୱାମୀ କୁ ଥାନା ରେ ଅଟକ ରଖିଛି,ରେଣୁକା ଙ୍କୁ ହତ୍ୟା ପଛରେ କାରଣ କଣ ଏପର୍ୟ୍ୟନ୍ତ ଜଣାପଡ଼ିନାହିଁ, ମୃତ ରେଣୁକା ର ସ୍ୱାମୀ ଗ୍ରାମ ନିକଟରେ ଥିବା ଏକ ଫାର୍ମ ହାଉସ ରେ କାମ କରନ୍ତି । ତେବେ ଏହି ଘଟଣାରେ ସ୍ୱାମୀକୁ ଅଟକ ରଖି ପଚରାଉଚରା କରୁଛି ।