ଆଜି ଉଦ୍ଧବ ଗୋଷ୍ଠୀ ପିଟିସନର ଶୁଣାଣି
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ମୁଖ୍ୟମନ୍ତ୍ରୀ ଏକନାଥ ସିନ୍ଦେ ହେଲେ ଶିବସେନା ମୁଖ୍ୟ । ସର୍ବସମ୍ମତିକ୍ରମେ ଦଳର ନେତାମାନେ ସିନ୍ଦେଙ୍କୁ ଶିବସେନାର ମୁଖିଆ ଭାବେ ମନୋନୀତ କରିଛନ୍ତି। ନିକଟରେ ନିର୍ବାଚନ କମିଶନ ସିନ୍ଦେ ଗୋଷ୍ଠୀଙ୍କୁ ପ୍ରକୃତ ଶିବସେନାର ମାନ୍ୟତା ଦେଇଥିଲେ। ଏଥିସହ ଉଦ୍ଧବ ଠାକେରଙ୍କ ଠାରୁ ଅଲଗା ହେବା ପୂର୍ବରୁ ଦଳ ବ୍ୟବହାର କରୁଥିବା ଧନୁ ଓ ତୀରକୁ ନିର୍ବାଚନ ଚିହ୍ନ ଭାବେ ବ୍ୟବହାର କରିବାକୁ ମଧ୍ୟ ଇସିଙ୍କ ପକ୍ଷରୁ ସିନ୍ଦେ ଗୋଷ୍ଠୀଙ୍କୁ ଅନମୁତି ମିଳିଛି।
ଏହାକୁ ଉଦ୍ଧବ ଠାକରେଙ୍କ ଗୋଷ୍ଠୀ ବିରୋଧ କରୁଥିବା ବେଳେ ସୁପ୍ରିମକୋର୍ଟରେ ଆବେଦନ କରିଛି। ଆଜି ସୁପ୍ରିମକୋର୍ଟ ଏହାର ଶୁଣାଣି କରିପାରନ୍ତି। ଏକନାଥ ଗୋଷ୍ଠୀକୁ ପ୍ରକୃତ ଶିବସେନାର ସ୍ବୀକୃତି ଏବଂ ଧନୁତୀର ଚିହ୍ନ ପ୍ରଦାନ ଲାଗି ନିର୍ବାଚନ କମିଶନ (ଇସି)ଙ୍କ ନିଷ୍ପତ୍ତିକୁ ଚ୍ୟାଲେଞ୍ଜ କରି ଉଦ୍ଧବ ଠାକ୍ରେ ଗୋଷ୍ଠୀ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ। ସୁପ୍ରିମକୋର୍ଟ ବୁଧବାର ଏହାର ଶୁଣାଣି କରିବାକୁ ରାଜି ହୋଇଛନ୍ତି।