ପାନୀୟ ଜଳ ପାଇଁ ରାସ୍ତା ରୋକିଲେ ମହିଳା
ଭଞ୍ଜନଗର(ବଡ଼ ଖବର ବ୍ୟୁରୋ): ପାନୀୟ ଜଳ ପାଇଁ ରାସ୍ତା ରୋକିଲେ ମହିଳା । ଜଗନ୍ନାଥ ପ୍ରସାଦ ବ୍ଲକ ଗୋଛାବାଡି ଛକ ୨୧ନମ୍ବର ରାଜ୍ୟ ରାଜପଥରେ ବିଭାଗୀୟ ଅବହେଳା ଓ ଖାମଖିଆଲ ନୀତି ଯୋଗୁଁ ଗୋଛାବାଡିର ଅଧିବାସୀ ପାନୀୟ ଜଳ ପାଇଁ ଅସୁବିଧାର ସମ୍ମୁଖୀନ ହେଉଥିଲେ।
ଯାହାକୁ ନେଇ ପ୍ରତିବାଦରେ ଆଜି ମହିଳାମାନେ ଗରା ଓ ବାଲଟି ଧରି ରାସ୍ତା ଅବରୋଧ କରିଛନ୍ତି । ସେମାନଙ୍କ ଅଭିଯୋଗ ଗାଁକୁ ସଂଯୋଗ କରିଥିବା ପାନୀୟ ଜଳ ପାଇପକୁ ବଦଳାଇ ନୂଆ ପାଇପ ଯୋଗାଣ କାର୍ୟ୍ୟ ଆରମ୍ବ କରିଥିଲେ ।
କିନ୍ତୁ ଜଣେ ସ୍ଥାନୀୟ ବ୍ୟକ୍ତି ନିଜର ଜମିପଟା ଦେଇ ପାଇପ ଯିବ ନାହିଁ କହି ପ୍ରତିବାଦ କରି କାମ ବନ୍ଦ କରିଥିଲେ । ଦୀର୍ଘ ୬ମାସ ଧରି ଗାଁ ଲୋକେ ପିଇବା ପାଣି ପାଇଁ ପ୍ରଶାସନ ପାଖରେ ଅନେକ ଗୁହାରି କରି ଥକି ଗଲା ପରେ ଆଜି ରାସ୍ତା ରୋକ କରିଥିବା ସୂଚନା ମିଳିଛି ଓ ବର୍ତ୍ତମାନ ପୋଲିସ ପହଂଚି ଲୋକଙ୍କୁ ବୁଝାସୁଝା କରୁଛି କିନ୍ତୁ ଲୋକଙ୍କ ଜିଦ ପାଣି ସମସ୍ୟା ସମାଧାନ ପରେ ହିଁ ରାସ୍ତା ଛାଡ଼ିବୁ ଯାହାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଜାରିରହିଥିବା ଦେଖିବାକୁ ମିଳିଛି ।