ଆର୍ଥିକ ସହାୟତା ବଣ୍ଟନବେଳେ ଦଳାଚକଡା, ୭୮ରୁ ଅଧିକ ମୃତ୍ୟୁ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆର୍ଥିକ ସହାୟତା ବଣ୍ଟନ କାର୍ଯ୍ୟକ୍ରମରେ ଦଳାଚକଡା , ୭୮ରୁ ଅଧିକ ମୃତ । ଅନେକ ଲୋକ ଆହତ । ପବିତ୍ର ଇସ୍‌ଲାମୀୟ ମାସ ରମ୍‌ଜାନ୍‌ର ଶେଷରେ ପଡୁଥିବା ‘ଇଦ୍‌ ଉଲ୍‌-ଫିତର୍‌’ ଅବ୍ୟବହିତ ପୂର୍ବରୁ ଆରବୀୟ ଉପଦ୍ବୀପର ଦରିଦ୍ରତମ ରାଷ୍ଟ୍ର ୟେମେନ୍‌ରେ ଏଭଳି ଦୁଃଖଦାୟକ ଘଟଣା ଘଟିଛି।ହୌଥୀର ଜଣେ ନିରାପତ୍ତା ଅଧିକାରୀ କହିଛନ୍ତି, ରାଜଧାନୀର ବାବ୍‌ ଅଲ୍‌-ୟେମେନ୍‌ ଜିଲ୍ଲାରେ ଦଳଚକଟା ଯୋଗୁଁ ଅନ୍ୟୂନ ୮୫ଜଣଙ୍କର ମୃତ୍ୟୁ ଘଟିଛି ଓ ୩୨୨ଜଣ ଆହତ ହୋଇଛନ୍ତି।

ଏକ ବିଦ୍ୟାଳୟରେ ଏହି କାର୍ଯ୍ୟକ୍ରମରେ ଆୟୋଜିତ ହୋଇଥିଲା ଯେଉଁଠାରେ ଶହ ଶହ ଲୋକ ଏଠି ଏକାଠି ହେଇଥିଲେ। ସେପଟେ ଦୁଇଜଣ ପ୍ରତ୍ୟକ୍ଷଦର୍ଶୀ କହିଛନ୍ତି ଯେ ଏହି ଟଙ୍କା ନେବା ପାଇଁ ବହୁ ସଂଖ୍ୟାରେ ଲୋକ ଏକତ୍ରିତ ହୋଇଥିଲେ। ଅନ୍ୟପଟେ ଗୃହ ମନ୍ତ୍ରଣାଳୟର ମୁଖପାତ୍ର କହିଛନ୍ତି ଯେ ଏହି କାର୍ଯ୍ୟକ୍ରମରେକୁ ଦୁଇଜଣ ବ୍ୟବସାୟୀ ଆୟୋଜନ କରିଛନ୍ତି । ଉଭୟଙ୍କୁ ଗିରଫ କରାଯାଇଛି। ମାମଲାର ତଦନ୍ତ ଚାଲିଛି।