କୁସ୍ତିଯୋଦ୍ଧାଙ୍କ କଳା ଦିବସ ପାଳନ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦିଲ୍ଲୀ ଜନ୍ତରମନ୍ତର ଠାରେ ୨୦ ଦିନରେ ପହଞ୍ଚିଲାଣି କୁସ୍ତି ଯୋଦ୍ଧାଙ୍କ ଧରଣା । ବ୍ରିଜଭୂଷଣଙ୍କ ବିରୁଦ୍ଧରେ ତଦନ୍ତ ପ୍ରକ୍ରିୟା ଧିମା ହେଉଥିବାରୁ କୁସ୍ତିଯୋଦ୍ଧାମାନେ ଅସନ୍ତୋଷ ଜାହିର କରିଛନ୍ତି । ଯାହାକୁ ନେଇ ଗୁରୁବାର କଳାଦିବସ ପାଳନ କରିଛନ୍ତି କୁସ୍ତି ଯୋଦ୍ଧା । ବଜରଙ୍ଗ ପୁନିଆ, ସାକ୍ଷୀ ମଲିକ, ବିନେଶ ଫୋଗତ, ଜିତେନ୍ଦ୍ର ଖାନ୍ନାଙ୍କ ସହ ଅନ୍ୟ କୁସ୍ତିଯୋଦ୍ଧାମାନେ ମୁଣ୍ଡ, ହାତରେ କଳାପଟି ପିନ୍ଧି ଧାରଣା ଦେଇଛନ୍ତି।
ଯୌନ ଶୋଷଣ ଅଭିଯୋଗରେ ବ୍ରିଜଭୂଷଣଙ୍କ ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ। ଦିଲ୍ଲୀ ପୁଲିସ ମାମଲା ରୁଜୁ କରିଥିଲେ ମଧ୍ୟ ଏପଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାନଯିବା ଦୁଃଖଦାୟକ। ଏହାକୁ ବିରୋଧ କରି କଳାଦିବସ ପାଳନ କରାଯାଉଛି ବୋଲି ବଜରଙ୍ଗ କହିଛନ୍ତି।