କେ.କବିତାଙ୍କୁ ମିଳିଲାନି ଜାମିନ୍
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ବିଆର୍ଏସ୍ ନେତ୍ରୀ କେ.କବିତାଙ୍କୁ ଝଟ୍କା । ଦିଲ୍ଲୀ ମଦ ଦୁର୍ନୀତି ମାମଲାରେ ଖାରଜ ହେଲା ଜାମିନ । ଉଭୟ ପ୍ରବର୍ତ୍ତନ ନିର୍ଦ୍ଦେଶାଳୟ ଓ ସିବିଆଇ ମାମଲାରେ ଜାମିନ ଆବେଦନକୁ କୋର୍ଟ ପ୍ରତ୍ୟାଖାନ କରିଛନ୍ତି । କୋର୍ଟରେ ଇଡି ଏବଂ ସିବିଆଇ କେ.କବିତାଙ୍କ ଜାମିନ ଆବେଦନକୁ ବିରୋଧ କରିଥିଲେ ଯାହାକୁ ନେଇ କେ.କବିତାଙ୍କୁ ବଡ ଝଟକା ଲାଗିଛି ।
ସୂଚନା ଅନୁସାରେ ହାଇଦ୍ରାବାଦ ସ୍ଥିତ ଘରେ ଚଢ଼ାଉ କରି ଇଡି କେ.କବିତାଙ୍କୁ ଗିରଫ କରିଥିଲା । ଗିରଫ ପରେ ତାଙ୍କୁ ହାଇଦ୍ରାବାଦର ବ୍ୟବସାୟୀ ତଥା ଏହି ମାମଲାର ଅଭିଯୁକ୍ତ ଥିବା ଅରୁଣ ରାମଚନ୍ଦ୍ରନ୍ ପିଲ୍ଲାଇଙ୍କ ସହ ମୁହାଁମୁହିଁ ପଚରାଉଚରା କରାଯାଇଥିଲା । ଦିଲ୍ଲୀ ଅବକାରୀ ନୀତି ଅନୁଯାୟୀ ମାର୍କେଟ୍ରେ ଏକ ବଡ ଭାଗିଦାରୀ ପାଇବା ପାଇଁ ଆମ୍ ଆଦ୍ମୀ ପାର୍ଟିକୁ ପ୍ରାୟ ୧୦୦ କୋଟି ଟଙ୍କା ସେ ଲାଞ୍ଚ ଦେଇଥିବା ଅଭିଯୋଗ ରହିଛି।
