ଢେଙ୍କାନାଳ ଲୋକସଭା ପ୍ରାର୍ଥୀ ଅବିନାଶ ସାମଲଙ୍କ ପ୍ରଚାର ଆରମ୍ଭ

ଢେଙ୍କାନାଳ(ବଡ଼ ଖବର ବ୍ୟୁରୋ): ଢେଙ୍କାନାଳ ଲୋକସଭା ନିର୍ବାଚନମଣ୍ଡଳୀର ବିଜେଡି ସାଂସଦ ପ୍ରାର୍ଥୀ ଡକ୍ଟର ଅବିନାଶ ସାମଲ । ରାଜନୀତିରେ ନୂଆ କରି ପାଦ ଦେଇଥିବା ଅବିନାଶ ଏଥର ସାଂସଦ ପ୍ରାର୍ଥୀ ଭାବରେ ବିଜେଡି ଟିକେଟ୍ ହାତେଇଛନ୍ତି। ତେଣୁ ସେ ନିଜ ଲୋକସଭା ନିର୍ବାଚନ ମଣ୍ଡଳୀର ନିଜ ଜନ୍ମମାଟି ଓଡ଼ାପଡ଼ା ବ୍ଲକ ଅନ୍ତର୍ଗତ ଖଡଗ ପ୍ରସାଦ ଗ୍ରାମରୁ ପ୍ରଚାର ଆରମ୍ଭ କରିଛନ୍ତି ।

ପୂର୍ବରୁ ରାଜନୈତିକ ଅଭିଜ୍ଞତା ନଥିବା ଅବିନାଶ ହେଉଛନ୍ତି ଢେଙ୍କାନାଳ ବିଧାୟକ ସୁଧିର କୁମାର ସାମଲଙ୍କର ପୁତୁରା । ତେଣୁ ଦାଦାଙ୍କ ସାଙ୍ଗରେ ମିଶି ଅବିନାଶ ପ୍ରଚାର ମୈଦାନକୁ ଏଥର ଓହ୍ଲାଇଛନ୍ତି । ପରେ ଓଡାପଡ଼ା ବ୍ଳକ ୧ନଂ ଜିଲ୍ଲା ପରିଷଦ ଜୋନ କଣ୍ଟାବଣିଆ ଠାରେ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇ ଥିଲା । ଏହି ସଭାରେ ସାଂସଦ ପ୍ରାର୍ଥୀ ଅବିନାସ ସାମଲଙ୍କୁ ବିପୁଳ ସଂଖ୍ୟାରେ ସମ୍ବର୍ଦ୍ଧନା କରିବା ସହ ସ୍ୱାଗତ କରିଥିଲେ ।