ଦୁବାଇରେ ବର୍ଷାର ତାଣ୍ଡବ

ଦୁବାଇ (ବଡ଼ ଖବର ବ୍ୟୁରୋ): ଦୁବାଇରେ ପୁଣି ତାଣ୍ଡବ ରଚିଲା ବର୍ଷା । ଗତ କିଛି ଦିନ ତଳେ ଦୁବାଇରେ ଭୟଙ୍କର ବର୍ଷା ହେବା ଫଳରେ ଅନେକ ଧନଜୀବନ ନଷ୍ଟ ହୋଇଯାଇଥିଲା । ରାସ୍ତାଘାଟ ସବୁ ବୁଡିଯାଇଥିଲା । ଅନେକ କାର୍, ଭାସୁଥିବାର ନଜର ଆସିଥିଲା । ଘରେ ପାଣି ପଶି ଅନେକ ଧନସମ୍ପତି ନଷ୍ଟ ହୋଇଥିଲା ।

ଏହି ଘଟଣାକୁ ଦିନ କେଇଟା ବିତିନଥିବା ବେଳେ ପୁଣି ଦୁବାଇରେ ବର୍ଷା ତାଣ୍ଡବ ରଚିଛି । ଆବୁଧାବୀ ଏବଂ ଦୁବାଇରେ ପ୍ରବଳ ବର୍ଷା କାରଣରୁ ବିମାନ ସେବାକୁ ରଦ୍ଦ କରାଯାଇଛି । ବସ ସେବା ମଧ୍ୟ ବନ୍ଦ ରହିଛି । ଦୁବାଇରୁ ବାଲି ଯାଉଥିବା ୫ଟି ବିମାନ ଉଡାଣକୁ ବାତିଲ କରାଯାଇଛି । ଆଗାମୀ ୩ତାରିଖ ଯାଏଁ ବର୍ଷା ଲାଗି ରହିବ ବୋଲି ପାଣିପାଗ ବିଭାଗ ପକ୍ଷରୁ ଆକଳନ କରାଯାଇଛି । ପ୍ରବଳ ବର୍ଷା ଯୋଗୁ ଆବୁଧାବୀର ବିଭିନ୍ନ ଅଞ୍ଚଳ ଜଳମଗ୍ନ ହୋଇଯାଇଛି ।