ବିଦୂତ ତାର ଛିଡି ଚାରିବର୍ଷର ଶିଶୁ ଗୁରୁତର

ତିର୍ତ୍ତୋଲ (ବଡ଼ ଖବର ବ୍ୟୁରୋ):ତିର୍ତ୍ତୋଲ ଥାନା କୋଲର ପଞ୍ଚାୟତ ଅଢାପତି ଗ୍ରାମର ରାଜେଶ ମଲ୍ଲିକଙ୍କ ଚାରିବର୍ଷର ପୁଅ ତୋଫାନ ମଲ୍ଲିକ ବିଦୂତ ତାର ଲାଗି ଗୁରୁତର ହୋଇଛନ୍ତି । ସୂଚନା ଅନୁଯାୟୀ ଅଢାପତି ଗ୍ରାମର ରାଜେଶ ମଲ୍ଲିକ ପୁଅ ତୋଫାନ ମଲ୍ଲିକ ପଡିଆକୁ ଶୌଚ ହେବାକୁ ଯିବା ସମୟରେ ଛିଡି ପଡ଼ିଥିବା ବିଦୂତ ତାର ସଂଯୋଗରେ ଆସିଯାଇଥିଲା । କିଛି ସମୟ ପରେ ତୋଫାନଙ୍କ ମା ଦେଖି ପୁଅକୁ ଉଠାଇବା ସମୟରେ ସେ ମଧ୍ୟ ବିଦୁତ୍ ସଂସ୍ପର୍ଶରେ ଆସିଯାଇଥିଲେ। ତାଙ୍କୁ ବଞ୍ଚାଇବା ପାଇଁ ଜେଜେମା ମଧ୍ୟ ବିଦୂତ ସଂସ୍ପର୍ଶରେ ଆସି ଲାଗିରହିଥିଲେ । ତେବେ କୌଣସି କାରଣରୁ ତାରରୁ କରେଣ୍ଟ କଟିଯିବା ଫଳରେ ମୃତୁ ମୁଖରୁ ଅଳ୍ପକେ ବର୍ତ୍ତିଯାଇଥିଲେ । ତେବେ ସ୍ଥାନୀୟ ଲୋକଙ୍କ ଦ୍ୱାରା ମଣିଜଙ୍ଗା ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରରେ ତିନିଜଣଙ୍କୁ ଭର୍ତ୍ତି କରାଯାଇଥିଲା । ପରିବାର ପକ୍ଷରୁ ବିଦୂତ ବିଭାଗ ଅଧିକାରୀଙ୍କ ନାମରେ ତିର୍ତ୍ତୋଲ ଥାନାରେ ଏତଲା ଦିଆଯାଇଛି ।