ଆଳି (ବଡ଼ ଖବର ବ୍ୟୁରୋ): ସାପ କାମୁଡ଼ାରେ ଭାଇ ଭଉଣୀଙ୍କ ମୃତ୍ୟୁ । କେନ୍ଦ୍ରାପଡା ଜିଲ୍ଲା ଆଳି ବ୍ଲକ ଗୋବିନ୍ଦପୁର ଗ୍ରାମରର ଅରୁଣ କୁମାର ଦାସଙ୍କ ପୁଅ ଅଭିଷେକ ଦାସ (୧୧) ଝିଅ ଭୂମିକା ଦାସ (୩)ଙ୍କ ମୃତ ହୋଇଛି । ରାତିରେ ଝଡ଼ବର୍ଷା ସମୟରେ ଘରେ ଶୋଇଥିବା ସମୟରେ ଭାଇ ଭଉଣୀଙ୍କ ଏକ ବିଷାକ୍ତ ସାପ କାମୁଡିଥିଲା । ଉଭୟଙ୍କୁ ଡାକ୍ତର ମୃତ ଘୋଷଣା କରିଥିଲେ ।
ପରିବାର ଲୋକଙ୍କ ଠାରୁ ପ୍ରକାଶ, ରାତିରେ ଖାଇ ସାରି ଘରେ ଶୋଇଥିବା ସମୟରେ ପୁଅକୁ ସାପ କାମୁଡିବାରୁ ତା ହାତରୁ ରକ୍ତ ବାହରିଥିଲା । ଲୋକମାନେ ସାପକୁ ମଶାରୀ ଭିତରେ ଖେଳୁଥିବାର ଦେଖିବାକୁ ପାଇଥିଲେ । ହେଲେ ସାପ ହଠାତ କେଉଁଆଡେ ପଳେଇଥିଲା । ପୁଅକୁ ପରିବାର ଲୋକେ ସଙ୍ଗେସଙ୍ଗେ ବିଞ୍ଝାରପୁର ମେଡିକାଲକୁ ନେଇଥିଲେ । ପୁଅର ଅବସ୍ଥା ସଙ୍କଟାପନ୍ନ ହେବାରୁ ତାକୁ କଟକ ମେଡିକାଲକୁ ନେଇଥିଲେ । ସେଠାରେ ଡକ୍ଟର ତାଙ୍କୁ ମୃତ ଘୋଷଣା କରିଥିଲେ। ଅନ୍ୟପଟେ ଝିଅକୁ ସାପ କାମୁଡି ଥିବାର ପରିବାର ଲୋକେ ଜାଣିପାରି ନ ଥିଲେ । କିଛି ସମୟ ପରେ ଝିଅ ପାଟିରୁ ନାଳ ବାହାରିବା ସହ ପେଟ ବଥା ହୋଇଥିଲା । ପରେ ୩ ବର୍ଷ ଝିଅ ଭୂମିକାର ମୃତ ହେଇଥିଲା। ଖବର ଜାଣିବା ପରେ ଗ୍ରାମରେ ଶୋକାକୂଳ ପରିବେଶ ସୃଷ୍ଟି ହୋଇଥିଲା ।
