ମାଲକାନଗିରି (ବଡ଼ ଖବର ବ୍ୟୁରୋ): ଅବକାରୀ ବିଭାଗକୁ ସଫଳତା । ଦୁଗ୍ଧ ଗାଡ଼ିରେ ଗଞ୍ଜେଇ ଚୋରା ଚାଲାଣ କରିବା ପଡିଲା ମହଙ୍ଗା । ଏଭଳି ଦୃଶ୍ୟ ଦେଖିବାକୁ ମିଳିଛି ମାଲକାନଗିରି ଜିଲ୍ଲା କାଲିମେଳା ଥାନା ଏମଭି ୬୬ ଗ୍ରାମ ନିକଟରେ । ଅବକାରୀ ବିଭାଗର କର୍ମଚାରୀମାନେ ଗାଡି ଯାଞ୍ଚ କରୁଥିବା ବେଳେ ମହାରାଷ୍ଟ୍ର ନମ୍ବର ଥିବା ଏକ ଦୁଗ୍ଧ ବୋଝେଇ ଗାଡିକୁ ଅଟକାଇଥିଲେ ।
ପରେ କାଲିମେଳା ଅବକାରୀ ପୋଲିସ କର୍ମଚାରୀମାନେ ଗାଡିଟିକୁ ଯାଞ୍ଚ କରିଥିଲେ । ସେଥିରେ ଥିବା ୧୦୦ କେଜି ଗଞ୍ଜେଇ ଜବତ କରିଥିଲେ । ଯାହାର ଆନୁମାନିକ ମୂଲ୍ୟ ୧୦ ଲକ୍ଷ ଟଙ୍କା ହେବ । ଗଞ୍ଜେଇ ମାଫିଆକୁ ଗିରଫ କରି କୋର୍ଟ ଚାଲାଣ କରାଯାଇଛି ।
