ଆସିଲା ଅକ୍ଟୋବର ଗାଇଡଲାଇନ୍

ଭୁବନେଶ୍ୱର(ବଡ଼ ଖବର ବ୍ୟୁରୋ):  ଆସିଲା ଅକ୍ଟୋବର ମାସ ପାଇଁ ନୂଆ ଗାଇଡଲାଇନ । ପାର୍ବଣ ଋତୁକୁ ଦୃଷ୍ଟିରେ ରଖି ଗାଇଡଲାଇନ ଜାରି କଲେ ରାଜ୍ୟ ସରକାର । ଅକ୍ଟୋବର ୧ରୁ ନଭେମ୍ବର ୧ ତାରିଖ ଯାଏ ବଳବତ୍ତର ରହିବ ଗାଇଡଲାଇନ । ଏ ନେଇ ସ୍ୱତନ୍ତ୍ର ରିଲିଫ କମିଶନର ପ୍ରଦୀପ ଜେନାଙ୍କ ସୂଚନା । ଏସଆରସି କହିଛନ୍ତି ଯେ ଆଗକୁ ପୂଜା ପାର୍ବଣ ଋତୁ ଆସୁଛି । ଏ ନେଇ ଆମକୁ ସତର୍କ ରହିବା ପାଇଁ ହେବ । ବିଶେଷକରି ଭିଡନକରିବା ଓ ଭିଡ ଭିତରକୁ ନଯିବାକୁ ଏସଆରସି ନିର୍ଦ୍ଦେଶ ଦେଇଛନ୍ତି ।

ସେପ୍ଟେମ୍ବର ମାସରେ ଜାରି ହୋଇଥିବା ଗାଇଡଲାଇନରେ ଏଥିରେ ବିଶେଷକରି କୌଣସି ପରିବର୍ତ୍ତନ ହୋଇନଥିବା ଦେଖବାକୁ ମିଳିଛି । କଟକ ଓ ଭୁବନେଶ୍ୱରେ ଅକ୍ଟୋବର ୧୧ ତାରିଖରୁ ୨୦ ତାରିଖ ଯାଏ ରାତି ୮ରୁ ସକାଳ ୫ଟା ଯାଏ କର୍ଫୁ ବଳବତ୍ତର ରହିବ । ଏହି ଦୁଇଟି ସହାରଞ୍ଚଳରେ ରାତି ୮ରୁ ଦୋକାନ ବଜାର ବନ୍ଦ ରହିବ । ସେହିପରି ସମସ୍ତ ପୌରାଞ୍ଚଳରେ ରାତ୍ରକାଳୀନ କର୍ଫୁ ବଳବତ୍ତର ରହିବ । ପୌରାଞ୍ଚଳ ମାନଙ୍କରେ ରାତି ୧୦ରୁ ସକାଳ ୫ଟା ଯାଏ ନାଇଟ କର୍ଫୁ ବଳବତ୍ତର ରହିବା ନେଇ ଏସଆରସିଙ୍କ ସୂଚନା ।