ତେଲକୋଇ (ବଡ଼ ଖବର ବ୍ୟୁରୋ): ୧୨ ଘଣ୍ଟିଆ ତେଲକୋଇ ବନ୍ଦ ଡାକରା । ଚକଧର ଜଳପ୍ରକଳ୍ପ ପାଇଁ ତେଲକୋଇ ଅଞ୍ଚଳରେ ବିରୋଧ ଜାରି । ପୁଣି ଥରେ ତେଲକୋଇ ବନ୍ଦ ଡାକରା ଦିଆଯାଇଛି । ଏହାସହିତ କେନ୍ଦୁଝର ଜିଲ୍ଲାପାଳଙ୍କ କାର୍ୟ୍ୟାଳୟ ସମ୍ମୁଖରେ ବିରୋଧ ପ୍ରଦର୍ଶନ କରାଯିବ ଏବଂ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯିବାର କାର୍ୟ୍ୟକ୍ରମ ରହିଛି । ଖବର ଅନୁଯାୟୀ, ଅଗଷ୍ଟ ୨୭ ତାରିଖରେ ତେଲକୋଇ ବିଶାଳ ରାଲି ସହିତ ଦୋକାନ ବଜାର ଗାଡ଼ି ଚଳାଚଳ ବନ୍ଦ ରହିଥିଲା ।
ଏହାପରେ ସେପ୍ଟେମ୍ବର ୧୨ ତାରିଖରେ ୪୯ ନମ୍ବର ଜାତୀୟ ରାଜପଥରେ ୧୨ ଘଣ୍ଟିଆ ବନ୍ଦ ଅବରୋଧ ହୋଇଥିଲା । ଆଉ ଏବେ ପୁଣି ଥରେ ତେଲକୋଇ ବଜାର ସହିତ ଜଗମୋହନପୁର ବଜାର ବନ୍ଦ ଡାକରା ଦିଆଯାଇଛି । ଦୋକାନ ବଜାର ସହ ସ୍କୁଲ କଲେଜ ସରକାରୀ-ବେସରକାରୀ ଅଫିସ ବନ୍ଦ ରହିଛି । ଗାଡି ଚଳାଚଳ ସଂପୂର୍ଣ୍ଣ ବନ୍ଦ ରହିଛି । ଚକଧର ଜଳ ପ୍ରକଳ୍ପ କାର୍ୟ୍ୟକାରୀ ହେଲେ ତେଲକୋଇର ବହୁ ଅଞ୍ଚଳ ଜଳମଗ୍ନ ହେବା ଆଶଙ୍କାରେ ଲୋକେ ବିରୋଧ ପ୍ରଦର୍ଶନ କରୁଛନ୍ତି।
