ଆଫଗାନୀସ୍ତାନ ସ୍ଥିତିକୁ ନେଇ ମୋଦୀଙ୍କ ଜରୁରୀ ବୈଠକ
କାବୁଲ(ବଡ଼ ଖବର ବ୍ୟୁରୋ) : ଆଫଗାନସ୍ତାନ ସ୍ଥିତି ଏବେ ଦିନକୁ ଦିନ ଜଟିଳ ହେବାରେ ଲାଗିଛି । ତେବେ ଏ ନେଇ ଭାରତର ପ୍ରଧାନମନ୍ତ୍ରୀୂ ନରେନ୍ଦ୍ର ମୋଦି ଏକ ଜରୁରୀ ବୈଠକ କରିଛନ୍ତି । ଏହି ବୈଠକରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ,ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହା ଓ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ପ୍ରମୁଖ ଉପସ୍ତିତି ରହିଥିଲେ ।
ତେବେ ବୈଠକରେ ଆଫଗାନରେ ଚାଲିଥିବା ସମସ୍ୟାକୁ ନେଇ ଆଲେଚନା ହୋଇଥିବା ଜଣାପଡିଛି । ତାଲିବାନ ସମ୍ପୂର୍ଣ୍ଣ ପଞ୍ଜଶିରକୁ ଦଖଲ କରିଥିବା ନେଇ ଘୋଷଣା କରିଥିଲା । ହେଲେ ଏହାକୁ ଖଣ୍ଡନ କରିଥିଲେ ଅହମଦ ମାସୁଦ । ସେ କହିଥିଲେ ଆମେ ଏବେ ବି ପଞ୍ଜଶିରରେ ଅଛୁ । ତାଲିବାନ ବିରୋଧରେ ଲଢେଇ ଜାରି ରଖିଛୁ । ପଞ୍ଜଶିରରେ ଚାଲିଥିବା ବିବାଦକୁ ନେଇ ଆଜି ମୋଦୀ ଜରୁରୀ ବୈଠକ ନିଜ ବାସଭବନରେ କରିଥିଲେ । ତେବେ ବୈଠକରେ କଣ ସବୁ ଆଲୋଚନା ହୋଇଛି ତାହା ଜଣା ପଡିନାହିଁ ।
