ବିଜେପି ନେତା କିରିଟ ସୈାମ୍ୟାଙ୍କୁ ଉଠାଇନେଲା ପୋଲିସ
ମୁମ୍ବାଇ(ବଡ଼ ଖବର ବ୍ୟୁରୋ): ରେଲୱେ ଷ୍ଟେସନରୁ ବିଜେପି ନେତାକୁ ଉଠାଇ ନେଇଛି ପୋଲିସ । ମହାରାଷ୍ଟ୍ରର ସତାରା ଜିଲ୍ଲାର କରାଡ ରେଲୱେ ଷ୍ଟେସନରୁ ପୋଲିସ ବିଜେପି ନେତା କିରିଟ ସୌମ୍ୟାଙ୍କୁ ଗିରଫ କରିଛି । କିରିିଟ ସୌମ୍ୟା ଆଜି କୋଲହାପୁର ଯାଉଥିବା ବେଳେ ପୋଲିସ ତାଙ୍କୁ ଗିରଫ କରିଛି । କୋଲହାପୁର ଜିଲ୍ଲା କଲେକ୍ଟର ତାଙ୍କ ବିରୋଧରେ ନିଷେଧାଦେଶ ଜାରି କରିଥିଲେ । ସେପ୍ଟେମ୍ବର ୨୦ ଏବଂ ୨୧ରେ ସମାବେଶକୁ ବାରଣ କରି ଜିଲ୍ଲାରେ ୧୪୪ ଧାରା ଲାଗୁ କରିଥିଲେ ।
ତେବେ ଏହା ପୂର୍ବରୁ ରବିବାର ଦିନ କିରିଟ ସୋମ୍ୟା ଅଭିଯୋଗ କରିଥିଲେ ଯେ ତାଙ୍କୁ ମୁମ୍ବାଇରୁ ନଜରବନ୍ଦି କରାଯାଇଛି । ସୂଚନା ବିଜେପି ନେତା ସୈାମ୍ୟା ସୋମବାର କୋଲହାପୁର ଗସ୍ତରେ ଯାଇଥାନ୍ତେ । ହେଲେ କୋଲହାପୁର ଜିଲ୍ଲାପାଳ ତାଙ୍କ ଯାତ୍ର ଉପରେ ପ୍ରତିବନ୍ଧକ ଲଗାଇଥିଲେ । ସୂଚନା ଅନୁଯାଇ କିରିଟ ସୌମ୍ୟା ମହାରାଷ୍ଟ୍ର ସରକାରଙ୍କୁ ଟାର୍ଗେଟ କରିଥିଲେ । ସେ ଏକ ସଭାରେ ତାଙ୍କୁ କହିଥିଲେ, ‘ଠାକରେ ସରକାର କହିଛନ୍ତି, ଆପଣ ମୁମ୍ବାଇରୁ ବାହାରକୁ ଯାଇ ପାରିବେ ନାହିଁ । ଖାଲି ସେତିକି ନୁହେଁ ସୌମ୍ୟା କିଛି ଦିନ ତଳେ ଗ୍ରାମ ବିକାଶ ମନ୍ତ୍ରୀ ହସନ ମୁଶ୍ରିଫଙ୍କ ବିରୋଧରେ ବିଭିନ୍ନ ତଦନ୍ତ ଏଜେନ୍ସି ଗୁଡିକରେ ଅନେକ ମାମଲା ରୁଜୁ କରିଛନ୍ତି । ମନ୍ତ୍ରୀ ଓ ତାଙ୍କ ପରିବାର ବିରୋଧରେ ସେ ମନି ଲଣ୍ଡ୍ରିଂ ଅଭିଯୋଗ ଆଣିଛନ୍ତି ।