ବଲାଙ୍ଗିରରେ ବିଜେପିର ଶକ୍ତି ପ୍ରଦର୍ଶନ  

ବଲାଙ୍ଗିର (ବଡ଼ ଖବର ବ୍ୟୁରୋ): ବଲାଙ୍ଗିରରେ ବିଜେପିର ଶକ୍ତି ପ୍ରଦର୍ଶନ  ।  ନାମାଙ୍କନ ଶୋଭାଯାତ୍ରା କରି ଦମ୍ ଦେଖାଇଲା ବିଜେପି ।  ହଜାର ହଜାର ସଂଖ୍ୟାରେ ନେତା କର୍ମୀଙ୍କ ବିଶାଳ ଶୋଭାଯାତ୍ରା କରି ନାମାଙ୍କନ ଭରିଛନ୍ତି ବିଜେପି ସାଂସଦ ଓ ବିଧାୟକ ପ୍ରାର୍ଥୀ । ବଲାଙ୍ଗିର ସାଂସଦ ସଙ୍ଗୀତା ସିଂହଦେଓ, ସଦର ବିଧାୟକ ପ୍ରାର୍ଥୀ ଗୋପାଳଜୀ ପାଣିଗ୍ରାହୀ ଓ ଲୋଇସିଂହା ବିଧାୟକ ମୁକେଶ ମହାଲିଙ୍ଗ ସହରରେ ମିଳିତ ଭାବେ ନାମାଙ୍କନ ଶୋଭାଯାତ୍ରା କରିଥିଲେ । ମହାଦେବ ମନ୍ଦିରରୁ ଆରମ୍ଭ ହୋଇଥିବା ଶୋଭାଯାତ୍ରା ପଟଣେଶ୍ୱରୀ, ସମଲେଶ୍ୱରୀ ମନ୍ଦିର ଦେଇ ଜିଲ୍ଲାପାଳଙ୍କ କାର୍ଯ୍ୟଳୟ ନିକଟକୁ ଆସିଥିଲା  ।  ଜିଲ୍ଲାପାଳଙ୍କ ନିକଟରେ ସାଂସଦ ସଙ୍ଗୀତା ସିଂହଦେଓ ପ୍ରାର୍ଥିପତ୍ର ଦାଖଲ କରିଥିଲେ ।

ସେହିପରି ଅତିରିକ୍ତ ଜିଲ୍ଲାପାଳଙ୍କ ନିକଟରେ ଲୋଇସିଂହା ବିଧାୟକ ମୁକେଶ ମହାଲିଙ୍ଗ ନାମାଙ୍କନ ଭରିଥିଲେ ।  ଏହାପରେ ସଦର ବିଜେପି ବିଧାୟକ ପ୍ରାର୍ଥୀ ଗୋପାଳଜୀ ପାଣିଗ୍ରାହୀ ଶୋଭାଯାତ୍ରାରେ ଯାଇ ଉପଜିଲ୍ଲାପାଳଙ୍କ ନିକଟରେ ପ୍ରାର୍ଥୀପତ୍ର ଦାଖଲ କରିଥିଲେ  ।  ସେପଟେ ଟିଟିଲାଗଡ  ବିଜେପି ପ୍ରାର୍ଥୀ ଭାବେ ନବୀନ କୁମାର ଜୈନ ଉପଜିଲ୍ଲାପାଳଙ୍କ ନିକଟରେ ପ୍ରାର୍ଥିପତ୍ର ଦାଖଲ କରିଥିବା ବେଳେ କଣ୍ଟାବାଞ୍ଜି ବିଜେପି ପ୍ରାର୍ଥୀ ଲକ୍ଷ୍ମଣ ବାଗ ଅତିରିକ୍ତ ଜିଲ୍ଲାପାଳଙ୍କ ନିକଟରେ ନାମାଙ୍କନ ଭରିଛନ୍ତି  ।  ଏହାବ୍ୟତୀତ ସୁନୀଲ ଭୋଇ ସାଂସଦ ପ୍ରାର୍ଥୀ ଓ ଲାଲମନ ବାଗ ଲୋଇସିଂହା ବିଧାୟକ ପ୍ରାର୍ଥୀ ପାଇଁ ପ୍ରାର୍ଥୀପତ୍ର ଦାଖଲ କରିଛନ୍ତି  ।