ଟ୍ୱିନସିଟିରେ ୧୪୪
ଭୁବନେଶ୍ୱର (ବଡ଼ ଖବର ବ୍ୟୁରୋ): କରୋନା ମହାମାରୀର ପ୍ରଭାବ ବିଶ୍ୱରେ ରହିଥିବା ବେଳେ ଆଉ ଏକ ଷ୍ଟ୍ରେନ ବିଶ୍ୱ ଦରବାରରେ ଆସି ପହଞ୍ଚିଛି । ଏଥିରୁ ରକ୍ଷା ପାଇବାପାଇଁ ସରକାରଙ୍କ ତରଫରୁ ବିଭିନ୍ନ ପଦକ୍ଷେପ ଗ୍ରହଣ କରାଯାଇଛି । ନୂଆବର୍ଷ ପାଇଁ କଡ଼ା ନିୟମ ଲାଗୁ କରାଯାଇଛି । ବ୍ରିଟେନରୁ ଚିହ୍ନଟ ହୋଇଥିବା କରୋନାର ନୂଆ ଷ୍ଟ୍ରେନ ସଂକ୍ରମଣକୁ ରୋକିବା ପାଇଁ ରାଜ୍ୟ ସରକାର ଆଜି ରାତି ୧୦ଟାରୁ କାଲି ସକାଳ ୫ଟା ଯାଏଁ ନାଇଟ କର୍ଫ୍ୟୁ ଲାଗୁ କରିଛନ୍ତି। ଏହା ସହ ଟ୍ୱିନସିଟିରେ ୧୪୪ଧାରା ଜାରି ହେବ । ଏନେଇ ସୂଚନା ଦେଇଛନ୍ତି ପୁଲିସ କମିସନର ଡକ୍ଟର ସୁଧାଂଶୁ ଷଡ଼ଙ୍ଗୀ । ଏହା ସହ ଲୋକଙ୍କୁ ସତର୍କ ରହିବା ପାଇଁ ମଧ୍ୟ କୁହାଯାଇଛି । ସବୁ ଥାନା ଅଞ୍ଚଳରେ ପାଟ୍ରୋଲିଂ କରିବା ପାଇଁ ୪୦ପ୍ଲାଟୁନ ପୁଲିସ ଫୋର୍ସ ମୁତୟନ କରାଯିବା ସହ ଅତ୍ୟାବଶ୍ୟକୀୟ ସେବା ଜାରି ରହିବ।
ହୋଟେଲ, ଦୋକାନ ଓ ବାରଗୁଡ଼ିକ ରାତି ୯ପୂର୍ବରୁ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଥିବା ବେଳେ ଅମାନିଆଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରି ଜରିମାନା ଆଦାୟ କରାଯିବ। ଏହାସହ ରାତି ୯ ପରେ ଘରୁ ନବାହାରିବା ସହ ଅଯଥା ଗହଳି ନକରି ଭୋଜିର ଆୟୋଜନ କରନ୍ତୁ ନାହିଁ ବୋଲି ମଧ୍ୟ ଅନୁରୋଧ କରାଯାଇଛି ।
Govt of Odisha imposing Night curfew from 10pm of tonight to 5AM tomorrow morning across the state. General public requested to cooperate. All essential services& movements are allowed to continue during curfew hours. @CMO_Odisha @IPR_Odisha @SecyChief @odisha_police @SRC_Odisha
— Pradeep Jena IAS (@PradeepJenaIAS) December 31, 2020
ତେବେ କର୍ଫ୍ୟୁ ସମୟରେ ଜରୁରୀକାଳୀନ ସେବା ଓ ଯାତାୟତକୁ ଅନୁମତି ମିଳିବ । ରାଜ୍ୟ ସରକାର ଏହି ନାଇଟ କର୍ଫ୍ୟୁରେ ସହଯୋଗ କରିବାକୁ ଲୋକଙ୍କୁ ନିବେଦନ କରିଛନ୍ତି ।
