୨୪୦ କିଲୋଗ୍ରାମ ଗଞ୍ଜେଇ ଜବତ, ଜଣେ ଗିରଫ

କୋରାପୁଟ(ବଡ଼ ଖବର ବ୍ୟୁରୋ): କୋରାପୁଟ ଜିଲ୍ଲା ଅବକାରୀ ବିଭାଗକୁ ମିଳିଛି ବଡ ସଫଳତା । ଜିଲ୍ଲାର ନନ୍ଦପୁର ବ୍ଲକରେ ଅବକାରୀ ବିଭାଗ ପାଟ୍ରୋଲିଂ କରୁଥିବା ସମୟରେ ଜନ୍ତାଗୁଡା ଗ୍ରାମରେ ଗଞ୍ଜେଇ ବହଜୁଦଥିବା ଖବର ପାଇଥିଲା । ଅବକାରୀ ବିଭାଗର ଏକ ସ୍ୱତନ୍ତ୍ର ଟିମ ଉକ୍ତ ଗ୍ରାମର ଧନୁକୁଲା ନାମକ ଜଣେ ବ୍ୟକ୍ତିଙ୍କ ଘରେ ଚଢାଉକରି ୨୪୦ କିଲୋଗ୍ରାମ ଗଞ୍ଜେଇ ଜବତ କରିଛି । ଯାହାର ପାଖାପାଖି ମୂଲ୍ୟ ୨୪ଲକ୍ଷ ଟଙ୍କା ହେବ ବୋଲି ଅବକାରୀ ଇନିସପେକ୍ଟର ତେଜରାଜ ଜାନୀ କହିଛନ୍ତି । ଘଟଣାରେ ସଂପୃକ୍ତ ଧନୁକୁଲାଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।

କୋରାପୁଟ ଜିଲ୍ଲାରେ ବ୍ୟାପକ ଭାବରେ ଗଞ୍ଜେଇ ଚୋରାଚାଲାଣକୁ ରୋକିବାକୁ ଅବକାରୀ ବିଭାଗ ଓ ପୋଲିସ ବିଭାଗ ତତ୍ପରତା ପୂର୍ବକ ପାଟ୍ରୋଲିଂକୁ ଜୋରଦାର କରାଯିବା ସହ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି।