ଭତ୍ତା ପାଇଁ ୨ କିଲୋମିଟର ଚାଲିଲେ ବୃଦ୍ଧ

ପିପିଲି(ବଡ଼ ଖବର ବ୍ୟୁରୋ):  ଭତ୍ତା ବଦଳରେ ମିଳୁଛି ଜମ ଦଣ୍ଡ। ଭତ୍ତା ଟଙ୍କା ପାଇଁ ୨ କିଲୋମିଟର ଚାଲିଲେ ବୃଦ୍ଧ ।ଏଭଳି ଚିତ୍ର ଦେଖିବାକୁ ମିଳିଛି ପୁରୀ ଜିଲ୍ଲା ପିପିଲି ବ୍ଳକର ଚନ୍ଦ୍ରାଦେଇପୁର ପଞ୍ଚାୟତରେ । ଚନ୍ଦ୍ରାଦେଇପୁର ପଞ୍ଚାୟତ ୧ ନମ୍ବର ୱାର୍ଡର ନାରାୟଣ ସ୍ବାଇଁ ବୟସ ୮୦ ବର୍ଷରୁ ଉର୍ଦ୍ଧ । ପରିଣତ ବୟସରେ ଭତ୍ତା ପାଇଁ ଛୋଟା ଗୋଡ଼ରେ ଛୋଟେଈ ଛୋଟେଈ ୨କିମି ଡହ ଡହ ଖରାରେ ଆସୁଥିବା ଦେଖିବାକୁ ମିଳିଥିଲା। ଅନ୍ୟପଟେ ଭତ୍ତା ଟଙ୍କା ପଞ୍ଚାୟତରେ ମିଳିବା ବଦଳରେ ବ୍ୟାଙ୍କରେ ଦିଆଯାଉଥିବାରୁ ଅସୁବିଧା ଭୋଗୁଛନ୍ତି ହିତାଧିକାରୀ । ଯାହାକୁ ନେଇ ଜନଅସନ୍ତୋଷ ଦେଖାଯାଇଛି ।