ପହିଲାରୁ ଯୁକ୍ତ ୩ ଅନଲାଇନ କ୍ଲାସ୍

ଭୁବନେଶ୍ୱର (ବଡ ଖବର ବ୍ୟୁରୋ):ମାର୍ଚ୍ଚ ପହିଲାରୁ ଆରମ୍ଭ ହେବାକୁ ଯାଉଛି ଯୁକ୍ତ ୩ ପ୍ରଥମ ବର୍ଷର କ୍ଲାସ୍ । ଅନଲାଇନ୍ ମାଧ୍ୟମରେ ହେବ ପାଠପଢା । ଏନେଇ ଉଚ୍ଚଶିକ୍ଷା ବିଭାଗର ପ୍ରମୁଖ ସଚିବ ଶାଶ୍ୱତ ମିଶ୍ର ବିଶ୍ୱବିଦ୍ୟାଳୟ କୁଳପତି ଓ ସରକାରୀ ଏବଂ ଘରୋଇ ବିଦ୍ୟାଳୟର ଅଧକ୍ଷମାନଙ୍କୁ ଚିଠି ଲେଖିଛନ୍ତି । ରାଜ୍ୟରେ ସ୍ନାତକ ଓ ସ୍ନାତକୋତ୍ତର ଶେଷ ବର୍ଷର ଛାତ୍ରଛାତ୍ରୀଙ୍କ ପାଇଁ ୨୦୨୧ ଜାନୁଆରୀ ୧୧ ତାରିଖ ଠାରୁ ଅଫଲାଇନ୍ରେ ପାଠପଢା ଆରମ୍ଭ ହୋଇଯାଇଛି ।

ସେହିପରି ୨୦୨୧ ଫେବୃଆରୀ ୧୦ ତାରିଖ ଠାରୁ ପିଜି ପ୍ରଥମ ବର୍ଷ ଏବଂ ୟୁଜି ଦ୍ୱିତୀୟ ବର୍ଷର ଛାତ୍ରଛାତ୍ରୀଙ୍କ ପାଠପଢା ଅଫଲାଇନ୍ ମାଧ୍ୟମରେ ଆରମ୍ଭ ହୋଇଯାଇଛି । ଯେହେତୁ କରୋନାର ତାଣ୍ଡବ ଏପର୍ଯ୍ୟନ୍ତ ଥମି ନାହିଁ, ସେଥିପାଇଁ ଯୁକ୍ତ ୩ ପ୍ରଥମ ବର୍ଷର କ୍ଲାସ ଅଫଲାଇନରେ କାରାଯାଉନାହିଁ । ଯଦି ସେମାନଙ୍କର କ୍ଲାସ ଆରମ୍ଭ ନହୁଏ, ତେବେ ଛାତ୍ରଛାତ୍ରୀମାନେ ଅସୁବିଧାର ସମ୍ମୁଖୀନ ହେବେ । ଏହି ସବୁକୁ ଦୃଷ୍ଟିରେ ରଖି ମାର୍ଚ୍ଚ ପହିଲାରୁ ଆରମ୍ଭ ହେବ ଯୁକ୍ତ ୩ ପ୍ରଥମ ବର୍ଷର ଅନଲାଇନ୍ କ୍ଲାସ୍ ।