ସଂସଦ କାର୍ଯ୍ୟ ପାଇଁ ଖର୍ଚ୍ଚ ହେଲାଣି ୫୩.୮୫ କୋଟି, କିନ୍ତୁ ସପ୍ତାହେ ମଧ୍ୟରେ ମାତ୍ର ୧୨ଘଣ୍ଟା ପାଇଁ ଚାଲିଛି ଗୃହ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ସଂସଦର ମୌସୁମୀ ଅଧିବେଶନର ଦ୍ୱିତୀୟ ସପ୍ତାହ ସରିବାକୁ ଯାଉଛି । ପେଗାସସ, କୃଷି ଆଇନ, ମହଙ୍ଗା କୁ ନେଇ ଶାସକ-ବିରୋଧୀ ତାତି ଥମିବାର ନାଁ ନେଉନି । ଗୃହରେ ହଟ୍ଟଗୋଳ ବି ଜାରି ରହିଛି । ତେବେ ଜୁଲାଇ ୧୯ରୁ ଆରମ୍ଭ ହୋଇଥିଲା ସଂସଦର ମୌସୁମୀ ଅଧିବେଶନ । ଆଉ ଏବେ ମଧ୍ୟରେ କେବଳ ୯ ଦିନ ହିଁ ଚାଲି ପାରିଛି ସଂସଦ । ଆଉ ଗତ ୭ ଦିନ ମଧ୍ୟରେ ସଂସଦ ମାତ୍ର ୧୨ ଘଣ୍ଟା ପାଇଁ ଚାଲିଛି ।
ଗତ ସପ୍ତାହ ମଧ୍ୟରେ ଲୋକସଭା ମାତ୍ର ୪ଘଣ୍ଟା ପାଇଁ ସଂସଦ ସୁରୁଖୁରୁରେ ଚାଲିପାରିଥିବା ବେଳେ ରାଜ୍ୟସଭା କେବଳ ୮.୨ ଘଣ୍ଟା ପାଇଁ ସୁରୁଖୁରୁରେ ଚାଲିଛି । ହଟ୍ଟଗୋଳ ପାଇଁ ଲୋକସଭାକୁ ଏକ ସପ୍ତାହ ଭିତରେ ୩୮ଘଣ୍ଟା ପାଇଁ ମୁଲତବୀ କରାଯାଇଥିବା ବେଳେ ରାଜ୍ୟସଭାକୁ ୩୩.୮ଘଣ୍ଟା ପାଇଁ ମୁଲତବୀ କରାଯାଇଛି । ସଂସଦର ୧ଘଣ୍ଟା କାର୍ଯ୍ୟକାଳ ପାଇଁ ପ୍ରାୟ ଅଢ଼େଇ ଲକ୍ଷ ଟଙ୍କା ଖର୍ଚ୍ଚ କରାଯାଇଥାଏ । ଆଉ ଏହି ସପ୍ତାହେ ମଧ୍ୟରେ ୫୩.୮୫ କୋଟି ଟଙ୍କା ଖର୍ଚ୍ଚ ହୋଇଥିଲେ ମଧ୍ୟ ସଂସଦ ଠିକରେ ଚାଲିପାରିନି ।