ଅନୁଗୁଳ(ବଡ଼ ଖବର ବ୍ୟୁରୋ): ଅନୁୁଗୁଳ ତାମ୍ରିତ କଲୋନୀରେ ପଞ୍ଚମ ଶ୍ରେଣୀ ଛାତ୍ରଙ୍କ ଆତ୍ମହତ୍ୟା ଘଟଣା ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି। ଖୋର୍ଦ୍ଧା ଜିଲ୍ଲା ଠାକୁରଗଡ଼ ଅଞ୍ଚଳର ପ୍ରଦୀପ ରଣା ଦିଲ୍ଲୀରେ ଚାକିରୀ କରନ୍ତି । ସ୍ତ୍ରୀ ରଞ୍ଜୁବାଳା ଅନୁଗୁଳ ମଦର୍ଶ ସ୍କୁଲରେ ଅଧ୍ୟକ୍ଷା ଅଛନ୍ତି। ଅନୁଗୁଳ ତାମ୍ରିତ କଲୋନୀରେ ଘର ଭଡା ନେଇ ସେ ରହୁଥିଲେ। ପ୍ରତିଦିନ ପରି ସ୍କୁଲରୁ ଘରକୁ ମଧ୍ୟାହ୍ନରେ ଖାଇବା ପାଇଁ ଆସନ୍ତି । ହେଲେ ଆଜି ମା ସ୍କୁଲରୁ ଫେରି ଘର କବାଟ ବାଡେଇଲା ସମୟରେ ପୁଅ ଡ଼ାକି ଶୁଣିଲାନି । ପଡିସା ଘରକୁ ଡ଼ାକି କବାଟ ଭାଙ୍ଗି ଦେଖିଲେ ପୁଅ ଛାତ ହୁକରେ ରସି ଲଗାଇ ଆତ୍ମହତ୍ୟା କରିଛନ୍ତି। ଏତେ ଛୋଟ ବୟସରୁ ସୌରଭ କାହିଁକି ଆତ୍ମହତ୍ୟା କଲେ ତାହା ସାଧାରଣରେ ଚର୍ଚ୍ଚା ଜୋର ଧରିଛି। ଖବର ପାଇ ପୋଲିସ ଶବ ଜବତ କରି ତଦନ୍ତ ଆରମ୍ଭ କରିଛି।
