ଗିରଫ ହେଲେ ଗଞ୍ଜାମ ବୋମାମାଡ ଘଟଣାର ୭ ଅଭିଯୁକ୍ତ

ଗଞ୍ଜାମ(ବଡ଼ ଖବର ବ୍ୟୁରୋ):ଗଞ୍ଜାମ ଜିଲ୍ଲା ବୁଗୁଡ଼ା ସହରରେ ବୋମା ମାଡ଼ କରି ଆତଙ୍କ କରାଇଥିବା ଅଭିଯୋଗ ରେ ସଂପୃକ୍ତ ଥିବା ୭ ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ଅଭିଯୁକ୍ତ ମାନଙ୍କ ଠାରୁ ଗୋଟିଏ ଦେଶୀ ବନ୍ଧୁକ , ଦୁଇଟି ବୋମା ଏବଂ ୩ ରାଉଣ୍ଡ ଜିବନ୍ତ ଗୁଳି ଜବତ ହୋଇଛି ।

ଗତ ୧୬ ତାରିଖରେ ଘଟିଥିଲା ବୋମା ମାଡ଼ ଘଟଣା । ବୁଗୁଡ଼ା ମେଡିକାଲ ଛକରେ ଥିବା ଏକ ଦୋକାନ ରୁ ଦାଦାବଟି ଆଦାୟ କରିବା ଲକ୍ଷ୍ୟରେ ଦୁର୍ବୃତ୍ତ ମାନେ ବୋମାମାଡ କରିଥିଲେ ।

ଫଳରେ ନିକଟରେ ଥିବା ଏକ ଔଷଧ ଦୋକାନ ସାମାନ୍ୟ କ୍ଷତିଗ୍ରସ୍ତ ହୋଇଥିଲା । ଏନେଇ ବୁଗୁଡ଼ା ଥାନାରେ ଅଭିଯୋଗ ହେବାପରେ ବିଭିନ୍ନ ସ୍ଥାନରେ ଚଢାଉ କରି ଅଭିଯୁକ୍ତ ମାନଙ୍କୁ ଗିରଫ କରିଥିଲା ବୁଗୁଡ଼ା ଥାନା ପୋଲିସ ।