ପୁଣି ବୋରୱେଲରେ ଫଶିଲା ୮ ବର୍ଷର ବାଳକ

ମଧ୍ୟପ୍ରଦେଶ(ବଡ଼ ଖବର ବ୍ୟୁରୋ): ପୁଣି ବୋରୱେଲରେ ଫଶିଲା ୮ ବର୍ଷର ବାଳକ । ମଧ୍ୟପ୍ରଦେଶ ବିଦିଶା ଜିଲ୍ଲା ଖେରଖେଦି ଗ୍ରାମରେ ମଙ୍ଗଳବାର ୮ ବର୍ଷର ବାଳକ ୬୦ ଫୁଟ ଗଭୀର ବୋରୱେଲରେ ଖସିପଡ଼ିଛି । ଖେଳୁଥିବା ସମୟରେ ବୋରୱେଲରେ ଖସିପଡିଥିବା ଜଣାପଡିଛି । ଗ୍ରାମବାସୀଙ୍କଠାରୁ ସୂଚନା ପାଇ ପ୍ରଶାସନ ପକ୍ଷରୁ ଉଦ୍ଧାର କାର୍ଯ୍ୟ ଆରମ୍ଭ କରାଯାଇଛି।

ଏସଡିଆର ତିନୋଟି ଟିମ ଓ ଏନଡିଆରଏଫର ଗୋଟିଏ ଟିମ ଘଟଣାସ୍ଥଳରେ ପହଞ୍ଚି ରେସ୍କ୍ୟୁ ଅପରେସନ୍‌ ଆରମ୍ଭ କରିଛନ୍ତି । ଉଦ୍ଧାର କାର୍ଯ୍ୟରେ ଜେସିବି ମେଶିନ ନିୟୋଜିତ ହୋଇଛି। ଲୋକେଶଙ୍କ ସ୍ଥିତିର ଯାଞ୍ଚ ପାଇଁ ବୋରୱେଲରେ ଏକ କ୍ୟାମେରା ଭର୍ତ୍ତି କରିବା ସହ ବୋରୱେଲ ଭିତରକୁ ଅମ୍ଳଜାନ ଯୋଗାଇ ଦିଆଯାଉଛି । ରେସ୍କ୍ୟୁ ଅପରେସନ୍‌ ସମ୍ପର୍କରେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ବିଦିଶା ଜିଲାପାଳଙ୍କ ସହ ଆଲୋଚନା କରିଛନ୍ତି।