ଏନଡିଏ ବୈଠକ ମୋଦିଙ୍କ ହୁଙ୍କାର

ନୂଆଦିଲ୍ଲୀ (ବଡ ଖବର ବ୍ୟୁରୋ):ଦିଲ୍ଲୀରେ ବସିଲା ଏନଡିଏ ବୈଠକ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ରବିବାର ଅନୁଷ୍ଟିତ ହୋଇଯାଇଛି । ଏନଡିଏ ଶାସିତ ରାଜ୍ୟ ଗୁଡିକର ମୁଖ୍ୟମନ୍ତ୍ରୀ ଏବଂ ଉପମୁଖ୍ୟମନ୍ତ୍ରୀ ମାନେ ଏଥିରେ ଭାଗ ନେଇଥିଲେ । ବୈଠକରେ ଅପରେସନ ସିନ୍ଦୂର, ଜାତି ଜନଗଣନା ଏବଂ ସୁଶାସନ ଉପରେ ଆଲୋଚନା କରାଯାଇଥିଲା । ମୋଦି ସରକାରଙ୍କ ତୃତୀୟ ପାଳିର ପ୍ରଥମ ବାର୍ଷିକୀ ଏବଂ ଆନ୍ତର୍ଜାତୀୟ ଯୋଗ ଦିବସ ଭଳି ଆଗାମୀ କାର୍ଯ୍ୟକ୍ରମ ବିଷୟରେ ମଧ୍ୟ ଆଲୋଚନା କରାଯାଇଥିଲା । ଗଣତାନ୍ତ୍ରୀକ ମେଣ୍ଟ(ଏନଡିଏ)ଦଳ ଗୁଡିକର ମୁଖ୍ୟମନ୍ତ୍ରୀ ଏବଂ ଉପମୁଖ୍ୟମନ୍ତ୍ରୀ ମାନଙ୍କ ବୈଠକରେ ଗୁରୁତ୍ୱପୂର୍ଣ୍ଣ ପ୍ରସ୍ତାବ ପାରିତ ହୋଇଛି । ‘ଅପରେସନ ସିନ୍ଦୁର’ ସମୟରେ ଭାରତୀୟ ସଶସ୍ତ୍ର ବାହିନୀର ବୀରତ୍ୱ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସାହସିକତା ନେତୃ୍ତ୍ୱକୁ ଭୂରି ଭୂରି ପ୍ରଶଂସା କରାଯାଇଛି । ବୈଠକରେ ଜାତିଗତ ଜନଗଣନା କରିବା ପାଇଁ କେନ୍ଦ୍ର ସରକାରଙ୍କ ନିଷ୍ପତ୍ତିକୁ ସ୍ୱାଗତ କରାଯାଇଛି । ଶିବସେନା ନେତା ତଥା ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଏକନାଥ ସିନେ୍ଦଙ୍କ ଦ୍ୱାରା ଉପସ୍ଥାପିତ ପ୍ରସ୍ତାବରେ ‘ଅପରେସନ ସିନ୍ଦୂର’କୁ ଆଲୋଚନା କରାଯାଇଥିଲା । ଭାରତୀୟଙ୍କ ଆତ୍ମବିଶ୍ୱାସ ବଢାଇଛି । ଏହି କାର୍ଯ୍ୟକ୍ରମରେ ଗୃହମନ୍ତ୍ରୀ, ପ୍ରତିରକ୍ଷା ମନ୍ତ୍ରୀ ଓ ବିଜେପିର ରାଷ୍ଟ୍ରୀୟ ଅଧକ୍ଷ ସାମିଲ ହୋଇଥିଲେ ।