ପୂର୍ବରୁ ସ୍ମିତାରାଣୀଙ୍କ ଆତ୍ମହତ୍ୟା, ଏବେ ବ୍ରହ୍ମାନନ୍ଦଙ୍କ ସନ୍ଦେହ ଜନକ ମୃତ୍ୟୁ

ଧର୍ମଶାଳା (ବଡ଼ ଖବର ବ୍ୟୁରୋ): ଯାଜପୁର ଜିଲ୍ଲା ଧର୍ମଶାଳା ବ୍ଲକ୍ କନିଷ୍ଠ ଯନ୍ତ୍ରୀ ବ୍ରହ୍ମାନନ୍ଦ ପଣ୍ଡାଙ୍କ ସନ୍ଦେହ ଜନକ ମୃତ୍ୟୁ। ସରକାରୀ ବାସଭବନରୁ ମୃତଦେହ ଉଦ୍ଧାର। ମୃତଦେହ ଉଦ୍ଧାର କରି ଧର୍ମଶାଳା ଡ଼ାକ୍ତରଖାନାରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ଧର୍ମଶାଳା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ବ୍ରହ୍ମାନନ୍ଦ ଗତକାଲି ସନ୍ଧ୍ୟାରେ ବ୍ଲକରୁ ମିଟିଂ ସାରି ଘରକୁ ଫେରିଥିଲେ। ପରେ ଜଣେ ଷ୍ଟାଫ ତାଙ୍କ ଘରକୁ ଯାଇ ଖୋଜିବା ପରେ କୌଣସି ଉତ୍ତର ନପାଇ ସନ୍ଦେହ ହେବାରୁ ଝରକା ପଟେ ବ୍ରହ୍ମାନନ୍ଦ ତଳେ ପଡ଼ିଥିବା ଦେଖିଥିଲେ।

ପରେ ଧର୍ମଶାଳା ବିଡିଓଙ୍କ ଗାଡ଼ିରେ ତାଙ୍କୁ ଡାକ୍ତଖାନାରେ ଭର୍ତି କରା ଯାଇଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ଧର୍ମଶାଳା ଡାକ୍ତରଖାନାରେ ବିଡିଓ ଏବଂ ଧର୍ମଶାଳା ପୋଲିସ ପହଞ୍ଚି ତଦନ୍ତ ଜାରି ରଖିଛନ୍ତି। ତେବେ ପୂର୍ବରୁ ଏହି ବ୍ଲକର କାର୍ଯ୍ୟନିର୍ବାହୀ ଅଧିକାରୀ ସ୍ମିତାରାଣୀ ଆତ୍ମହତ୍ୟା କରିଥିବାବେଳେ ବ୍ରହ୍ମାନନ୍ଦ ପଣ୍ଡାଙ୍କ ମୃତ୍ୟୁକୁ ନେଇ ସନ୍ଦେହ ସୃଷ୍ଟି ହୋଇଛି ।