ଦଳ ଏବଂ ଘରୁ ବେଦଖଲ ହେଲେ ଲାଲୁ ନନ୍ଦନ

ନୂଆଦିଲ୍ଲୀ (ବଡ ଖବର ବ୍ୟୁରୋ): ବିହାର ରାଜନୀତିରେ ହଲଚଲ । ପୁଅକୁ ଦଣ୍ଡ ଦେଲା ବାପା । ଆରଜେଡିରୁ ଛଅବର୍ଷ ପାଇଁ ପୁଅ ତେଜ ପ୍ରତାପଙ୍କୁ ବାପା ଲାଲୁ ଯାଦବ କଲେ ନିଲମ୍ବନ । ସୋସିଆଲ ମିଡିଆର ଏକ ପୋଷ୍ଟ ଚିନ୍ତା ପାଇଁ ପଡିଲା ତେଜ ପ୍ରତାପଙ୍କ ପାଇଁ ଭାରି । ଭବିଷ୍ୟତକୁ ବର୍ତ୍ତମାନ ଦ୍ୱନ୍ଦରେ ତେଜ ପ୍ରତାପ । ବାପା ଲାଲୁ ଯାଦବ ତଥା ଆରଜେଡି ସୁପ୍ରିମୋ ଦଳର ସଦସ୍ୟ ତଥା ପୁଅ ତେଜ ପ୍ରତାପଙ୍କୁ ଦଳରୁ ୬ ବର୍ଷ ପାଇଁ ନିଲମ୍ବିତ କରିଛନ୍ତି । ଲାଲୁ କହିଛନ୍ତି, ପୁଅର କାର୍ଯ୍ୟକଳାପ , ସାର୍ବଜନୀନ ଆଚରଣ ଏବଂ ଦାୟିତ୍ୱ ହୀନ ଆଚରଣ ପାଇଁ ଖାଲି ଦଳ ନୁହେଁ ପରିବାରରୁ ବି ହେଲେ ବିତାଡିତ ।

ଏବେ ଠାରୁ ତାଙ୍କର ଦଳ ଏବଂ ପରିବାରରେ କୌଣସି ପ୍ରକାରର ଭୂମିକା ରହିବ ନାହିଁ । ତାଙ୍କୁ ଦଳରୁ ୬ବର୍ଷ ପାଇଁ ବହିଷ୍କାର କରାଯାଇଛି । ସୂଚନା ଥାଉକି ଶନିବାର ସନ୍ଧ୍ୟାରେ ତେଜ ପ୍ରତାପ ଯାଦବଙ୍କ ସୋସିଆଲ ମିଡିଆ ଆକାଉଣ୍ଟରୁ ଏକ ପୋଷ୍ଟ ଭାଇରାଲ୍ ହୋଇଥିଲା । ତେଜ ପ୍ରତାପ ନିଜ ପୋଷ୍ଟରେ ଏକ ନୂଆ ସଂପର୍କକୁ ନେଇ ମତ ରଖିଥିଲେ । ଏଥିରେ ତେଜ ପ୍ରତାପଙ୍କୁ ଜଣେ ଝିଅ ସହିତ ଦେଖିବାକୁ ମିଳିଥିଲା ।

ପୋଷ୍ଟରେ ତାଙ୍କ ଗାର୍ଲଫ୍ରେଣ୍ଡ ରଖିଛନ୍ତି ମତ । ଆମେ ଦୁହେଁ ୧୨ବର୍ଷ ହେବ ଏକାଠି ସମ୍ପର୍କରେ ଅଛୁ । କିଛି ସମୟ ଭିତରେ କ୍ଷିପ୍ର ବେଗରେ ଫୋନକୁ ଫୋନ ଭାଇରାଲ ହୋଇଥିଲା । କିନ୍ତୁ ବର୍ତ୍ତମାନ ଏହା ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ଏହା ପରେ ପ୍ରତାପଙ୍କ ସୋସିଆଲ ମିଡ଼ିଆ ଆକାଉଣ୍ଟରୁ ଡିଲିଟ୍ ହୋଇଯାଇଥିଲା । ପରେ ସ୍ପଷ୍ଟୀକରଣ ରଖିବାକୁ ଯାଇ ତେଜ ପ୍ରତାପ କହିଥିଲେ କି ତାଙ୍କ ଆକାଉଣ୍ଟଟି ହ୍ୟାକ୍ ହୋଇଯାଇଛି । ଏହା ତାଙ୍କୁ ବଦନାମ କରିବା ପାଇଁ ଫୋଟ ଗୁଡିକୁ ଯୋଡା ଯାଇ ଭାଇରାଲ କରାଯାଉଛି । ଶେଷରେ ସେ ଲୋକଙ୍କ ନିକଟରେ ନିବେଦନ କରିଛନ୍ତି କି ଦୟା କରି ଏ ସବୁରେ ଧ୍ୟାନ ଦିଅନ୍ତୁ ନାହିଁ ।